'வெப் சீரீஸ்' உலகில் காலடி வைக்கும் 'பிகில்' நடிகர்
- IndiaGlitz, [Tuesday,September 24 2019]
தற்போதைய டெக்னாலஜி உலகில் திரைப்படங்களுக்கு இணையாக வெப் சீரீஸ் தயாராகி வருகிறது. பெரிய திரையில் உள்ள பல பிரபலங்கள் பலர் தற்போது வெப் சீரீஸில் நடிக்க ஆர்வம் காட்டி வருகின்றனர். அந்த வகையில் பிரபல வில்லன் நடிகர் டேனியல் பாலாஜியும் தற்போது வெப் சீரீஸ் ஒன்றில் நடிக்கவுள்ளார்.
’வேட்டையாடு விளையாடு’, ’பொல்லாதவன்’, ’அச்சம் என்பது மடமையடா’, ’பைரவா’, ’வடசென்னை’ போன்ற பல படங்களில் வில்லன் நடிப்பில் மிரட்டிய நடிகர் டேனியல் பாலாஜி தற்போது விஜய்யின் ‘பிகில்’ திரைப்படத்திலும் வில்லன்களில் ஒருவராக நடித்துள்ளார். இந்த நிலையில் அவர் தற்போது வெப்சீரீஸ் ஒன்றில் நடிக்கவுள்ளார்.
காட் மேன்’ என்ற வெப் சீரீஸ் ஒன்றில் ஆன்மீக குருவாக டேனியல் பாலாஜி நடிக்கவிருப்பதாகவும், இந்த தொடரை இயக்குனர் பாபு யோகேஷ்வரன் இயக்கவிருப்பதாகவும் செய்திகள் வெளிவந்துள்ளது. இவர் ஏற்கனவே ஜெயம் ரவி நடித்த ’தாஸ்’ என்ற படத்தை இயக்கியவர் என்பது குறிப்பிடத்தக்கது. மேலும் இவரது இயக்கத்தில் விஜய் ஆண்டனி நடித்த ‘தமிழரசன்’ என்ற திரைப்படம் வெகுவிரைவில் ரிலீஸ் ஆகவுள்ளது என்பது குறிப்பிடத்தக்கது