தளபதி விஜய் நடித்த ‘பிகில்’ திரைப்படம் வரும் தீபாவளி அன்று வெளியாக இருக்கும் நிலையில், சமீபத்தில் பேட்டியளித்த இந்த படத்தின் நிர்வாக தயாரிப்பாளர் அர்ச்சனா கல்பாதி அவர்கள், ‘பிகில்’ திரைப்படத்தின் டீஸர் அக்டோபர் முதல் வாரத்தில் வெளியாகும் என்று கூறினார்

இந்த நிலையில் பிகில் டீஸர் ரிலீஸ் தேதி எந்த நேரத்திலும் அறிவிக்கப்படலாம் என்று விஜய் ரசிகர்கள் காத்திருந்தனர். இந்த நிலையில் சற்று முன் ஏஜிஎஸ் நிறுவனத்தின் சமூக வலைதளப் பக்கத்தில் ‘பிகில்’ படத்தின் டீசருக்கான சவுண்ட் மிக்ஸிங் பணிகள் நடைபெற்று வருவதாகவும் விரைவில் அந்த பணிகள் முடிவடைந்தவுடன் டீஸர் ரிலீஸ் தேதி குறித்த தகவல் அறிவிக்கப்படும் என்றும் குறிப்பிடப்பட்டுள்ளது. எனவே இன்று இரவு அல்லது நாளை காலைக்குள் ‘பிகில்’ டீசர் குறித்த தகவல் வெளியாகலாம் என்று எதிர்பார்க்கப்படுகிறது.

அதுமட்டுமின்றி டீசர் சவுண்ட் மிக்ஸிங் மட்டுமின்றி டிரைலர் சவுண்ட் மிக்ஸிங் பணிகளும் நடைபெற்று வருவதால் டீசர் ரிலீசுக்கு பின் ஒரு சிறு இடைவெளியில் டிரைலரும் வெளியாகும் என எதிர்பார்க்கப்படுகிறது

மேலும் ‘பிகில்’ படத்தின் சென்சார் பணிகளை ஒரு வாரத்திற்கு முன்னதாகவே முடிக்க தயாரிப்பு தரப்பு திட்டமிடப்பட்டுள்ளதாகவும் ரிலீசுக்கு ஒரு வாரம் முன்பே வெளிநாட்டிற்கு கேடிஎம் அனுப்ப திட்டமிட்டுள்ளதாகவும் தயாரிப்பு தரப்பில் இருந்து கூறப்படுகிறது