தளபதி விஜய் நடித்த ‘பிகில்’ திரைப்படத்தின் படப்பிடிப்பு முடிவடைந்து தொழில்நுட்ப பணிகள் இரவுபகலாக நடைபெற்று வருகிறது. இந்த படம் வரும் தீபாவளி அன்று திரைக்கு வருவது உறுதி செய்யப்பட்டுள்ளதால் இந்த படத்தின் புரமோஷன் பணிகளும் தொடங்கிவிட்டது

ஏற்கனவே இந்த படத்தின் இடம்பெற்ற ‘சிங்கப்பெண்ணே’ மற்றும் ‘வெறித்தனம்’ ஆகிய இரண்டு சிங்கிள் பாடல்கள் வெளியாகி பெரும் வரவேற்பை பெற்றுள்ள நிலையில் அடுத்தகட்டமாக டீசர், டிரைலர் எப்போது வெளிவரும் என்ற கேள்வி தளபதி ரசிகர்களிடையே எழுந்துள்ளது

இந்த நிலையில் ‘பிகில்’ படத்தின் டீசர், டிரைலர் எடிட்டிங் பணிகள் நடைபெற்று வருவதாகவும் விரைவில் டீசர், டிரைலர் மற்றும் பாடல்கள் வெளியீட்டு தேதிகள் குறித்த அறிவிப்பு வெளிவரும் என அறிவிக்கப்பட்டுள்ளது. ‘பிகில்’ திரைப்படம் வெளியாக இன்னும் சுமார் ஒன்றரை மாதங்கள் மட்டுமே இருப்பதால் அடுத்தடுத்த அதிரடி அறிவிப்புகள் வெளியாகும் என எதிர்பார்க்கப்படுகிறது

விஜய், நயன்தாரா, ஜாக்கி ஷெராஃப், யோகிபாபு, கதிர், விவேக், டேனியல் பாலாஜி, ஆனந்த்ராஜ், இந்துஜா உள்ளிட்ட பலர் நடித்துள்ள இந்த படம் விஷ்ணு ஒளிப்பதிவில் ரூபன் படத்தொகுப்பில் உருவாகியுள்ளது. இந்த படத்திற்கு இசைப்புயல் ஏ.ஆர்.ரஹ்மான் இசையமைத்துள்ளார். இந்த படத்தை பெரும் பொருட்செலவில் ஏஜிஎஸ் நிறுவனம் தயாரித்து வருகிறது.