கமல்ஹாசன் நடத்திய 'பிக்பாஸ் 2' நிகழ்ச்சியில் வைல்ட் கார்ட் எண்ட்ரியாக உள்ளே நுழைந்தாலும் சக போட்டியாளர்களுக்கு ஈடுகொடுத்து மூன்றாம் இடத்தை பெற்றவர் நடிகை விஜயலட்சுமி. பிக்பாஸ் நிகழ்ச்சிக்கு பின்னர் அந்த நிகழ்ச்சியில் கலந்து கொண்ட சிலருக்கு ஏற்கனவே சினிமா வாய்ப்பு கிடைத்துள்ள நிலையில் தற்போது விஜயலட்சுமிக்கும் வாய்ப்பு கிடைத்துள்ளது.

வெங்கட்பிரபு தயாரிப்பில் சிம்புதேவன் இயக்கத்தில் உருவாகவுள்ள புதிய படத்தில் நடிக்க விஜயலட்சுமி ஒப்பந்தமாகியுள்ளார். இந்த தகவலை விஜயலட்சுமி தனது சமூக வலைத்தளத்தில் உறுதி செய்துள்ளார். ஏற்கனவே வெங்கட்பிரபு இயக்கிய 'சென்னை 600028' படத்தின் இரண்டு பாகங்களிலும் விஜயலட்சுமி நடித்துள்ள நிலையில் தற்போது அவரது தயாரிப்பில் நடிக்கவுள்ளார் என்பது குறிப்பிடத்தக்கது.

விஜய் நடித்த 'புலி' உள்பட ஒருசில படங்களை இயக்கிய சிம்புதேவன் சமீபத்தில் இயக்கி வந்த 'இம்சை அரசன் 23ஆம் புலிகேசி 2' திரைப்படம் கிட்டத்தட்ட டிராப் ஆகிவிட்டது. இந்த நிலையில் வெங்கட்பிரபு நிறுவனத்தின் பிளாக் டிக்கெட் கம்பெனி தயாரிக்கும் அடுத்த படத்தின் பணிகளில் தற்போது சிம்புதேவன் உள்ளார். இந்த படத்தின் படப்பிடிப்பு விரைவில் தொடங்கவுள்ளது