பிக் பாஸ் நிகழ்ச்சியில் கடந்த வாரம் கேப்டனாக இருந்த வனிதாவை ஒட்டுமொத்த போட்டியாளர்களும் கமல்ஹாசனிடம் குற்றம்சாட்டியது பெரும் பரபரப்பை ஏற்படுத்தி உள்ளது.

கடந்த வாரம் வனிதா சர்ச்சைக்குரிய வகையில் தான் கேப்டன் டாஸ்க்கில் வெற்றிபெற்றார். அதன்பின் அவரது தாக்கம் அதிகம் இருந்ததை பார்வையாளர்களால் பார்க்க முடிந்தது.

இந்த நிலையில் இன்று கமல்ஹாசன் வனிதாவின் கேப்டன்சிக்கு எத்தனை மதிப்பெண்கள் கொடுப்பீர்கள் என்று சக போட்டியாளர்களிடம் கேட்டபோது கிட்டத்தட்ட அனைவருமே வனிதாவுக்கு மதிப்பெண் அளிக்க மறுத்துவிட்டனர்.

வனிதா குறித்து சினேகன் பேசும் போது, ‘அவர் பேசும்போது இன்னொருவர் பேசுவதற்கு அனுமதி கிடைக்கவில்லை என்று கூறினார். பாலாஜி முருகதாஸ் கூறியபோது, ‘அவருக்கு மதிப்பெண் போடுவதற்கு ஒன்றுமே இல்லை என்று கூறினார். ’வனிதா கேப்டனாக இருக்கும் வாரத்தில் எப்படி இந்த வீட்டில் இருப்பது என்றே தெரியவில்லை’ என்று அபிராமி வெங்கடாச்சலம் கூறினார்.

தாமரை கூறிய போது ’ஒரு தலைவன் எப்படி பேச வேண்டும் என்ற ஒரு அடிப்படை கூட அவர்களுடைய பேச்சில் இல்லை’ என்று கூறினார். நிரூப் பேசும் போது, ‘ஒரு கேமை எப்படி கெடுப்பது என்பதையே ஒரு கேம் ஆக அவர்கள் வைத்திருக்கிறார்கள்’ என்று கூறினார்.

’வனிதா தன்னுடைய கேப்டன் பொறுப்புகளில் எதுவும் செய்யாது மாதிரி எனக்கு தோன்றுகிறது’ என்று ஜூலி கூறினார். ’அவரை பற்றி பாசிட்டிவ்வாக சொல்ல எதுவுமே இல்லை’ என ஸ்ருதி கூறினார். ’வனிதாவுக்கு மார்க் போடுவதில் எனக்கு எந்தவித உடன்பாடும் இல்லை’ என்று ஷாரிக் கூறினார்

அபினய், அனிதா மற்றும் தாடி பாலாஜி தவிர அனைவருமே வனிதாவை குற்றம்சாட்டியது கமல்ஹாசனை பெரும் ஆச்சரியத்திற்கு உள்ளாக்கி உள்ளது என்பதும் தன்னை குற்றஞ்சாட்டி சக போட்டியாளர்கள் பேசும்போது வனிதா ஒரு புன்முறுவலுடன் அமைதியாக உட்கார்ந்திருந்தார் என்பதும் குறிப்பிடத்தக்கது.

#BBUltimate இல்லத்தில் இன்று.. #Day21 #Promo2 #NowStreaming only on #disneyplushotstar.. pic.twitter.com/kgTrJq7Q3T

— Disney+ Hotstar Tamil (@disneyplusHSTam) February 20, 2022