முதல் நாளிலே ஆட்டம், பாட்டம், முத்தம், ரத்தம் ரணகளத்துடன் தொடங்கும் பிக்பாஸ்
- IndiaGlitz, [Monday,June 24 2019]
பொதுவாக பிக்பாஸ் நிகழ்ச்சி தொடங்கியவுடன் ஒரு வாரம் கழித்தே சூடு பிடிக்கும். ஆரம்பத்தில் நண்பர்களாக இருக்கும் போட்டியாளர்கள் ஒருவாரம் கழித்தே குரூப்பாக பிரிவது, கருத்துவேறுபாடு கொள்வது, சண்டை போடுவது, நட்பில் உருகுவது என நட்பும், ரணகளமும் மாறி மாறி இருக்கும்.
இந்த நிலையில் நேற்று நிகழ்ச்சியின் அறிமுக நாளாக இருந்த நிலையில் இன்று முதல் நாள் வழக்கமான நாள் தொடங்குகிறது. இன்று காலை வெளிவந்த புரமோ வீடியோவில் போட்டியாளர்கள் அனைவரும் ஆட்டம் பாட்டத்துடன் காலை பொழுதை ஆரம்பிக்கின்றனர். குறிப்பாக மோகன் வைத்யாவும் சாண்டியும் ஒருவரை ஒருவர் கட்டிப்பிடித்து முத்தம் கொடுப்பது போல் உள்ள காட்சி பரபரப்பை ஏற்படுத்தும் என எதிர்பார்க்கப்படுகிறது. இந்த முறை சேரன், மோகன் வைத்யா, பாத்திமா பாபு தவிர மீதி 12 போட்டியாளர்களும் இளைஞர்கள் என்பதால் நிகழ்ச்சி ஆரம்பத்தில் இருந்தே களைகட்டும் என எதிர்பார்க்கப்படுகிறது.
ஐஸ்வர்யா தத்தாவின் கவர்ச்சியை மிஞ்சும் அளவுக்கு சாக்சி போடும் ஆட்டம், அபிராமியின் முத்தம் என ஜாலியாக செல்லும் புரமோ வீடியோ, கடைசியில் தண்ணீர் இல்லாத நீச்சல் தொட்டியில் ஆட்டம் போடும் சாண்டி திடீரென விழுந்ததால் ரத்தத்துடன் மயக்கமுற்று இருப்பது போன்ற காட்சியுடன் முடிகிறது. சாண்டிக்கு காயம் ஏற்பட்டிருப்பதாகவும், அவர் சிகிச்சைக்காக நிகழ்ச்சியில் இருந்து வெளியேறுவதாகவும் கூறப்படுகிறது. இது உண்மையா? என்பதை நிகழ்ச்சியை முழுவதும் பார்த்து தெரிந்து கொள்வோம்.
ஆரம்பமே அட்டகாசம்.. #Day1 #Promo1 of #BiggBossTamil#பிக்பாஸ் - தினமும் இரவு 9:30 மணிக்கு உங்கள் விஜயில்.. #VijayTV #BiggBossTamil3 #VijayTelevision pic.twitter.com/WE3UBizDwG
— Vijay Television (@vijaytelevision) June 24, 2019