ஹீரோவாக தோத்தவன் இருக்கலாம், வில்லனாக தோத்தவன் யாரும் இல்லை: பிக்பாஸ் டைட்டில் வின்னர்..!
- IndiaGlitz, [Saturday,December 16 2023]
பிக் பாஸ் தமிழ் நிகழ்ச்சியின் டைட்டில் வின்னர் சமீபத்தில் நடந்த சினிமா நிகழ்ச்சியில் கலந்து கொண்ட போது ’ஹீரோவாக நடித்த தோத்தவன் இருக்கலாம் ஆனால் வில்லனாக நடித்த தோத்தவன் யாரும் இல்லை’ என்று கூறியுள்ளார்.
தமிழ் திரையுலகில் ஹீரோவாக அறிமுகமானவர் ஜித்தன் ரமேஷ். அதன் பிறகு இவர் சில படங்களில் வில்லனாக நடித்த நிலையில் தற்போது ’ரூட் நம்பர் 17’ என்ற திரைப்படத்தில் மிரட்டலான கேரக்டரில் நடித்துள்ளார்.
இந்த படம் டிசம்பர் 29ஆம் தேதி வெளியாக இருக்கும் நிலையில் இந்த படத்தின் டிரைலர் வெளியீட்டு விழா சமீபத்தில் சென்னையில் நடைபெற்றது. இதில் பிக் பாஸ் சீசன் 4 டைட்டில் வின்னராக தேர்வு செய்யப்பட்ட ஆரி சிறப்பு விருந்தினராக கலந்து கொண்டு ஜித்தன் ரமேஷுக்கு வாழ்த்து தெரிவித்தார்.
ஹீரோவாக நடித்து தோத்தவன் இருக்கிறான், ஆனால் வில்லனாக நடித்து தோத்தவன் யாரும் இல்லை, வில்லனாக நடித்த நீங்கள் இன்னும் பெரும் உயரத்திற்கு வருவீர்கள், இந்த படம் உங்களுக்கு நிச்சயம் உயரத்தை கொண்டு போய் சேர்க்கும் என்றும் தெரிவித்துள்ளார்.
மேலும் நானும் உங்களை போலவே ஒரு படத்தில் ஹீரோவாக வில்லனாக நடித்துள்ளேன் என்றும் அந்த படம் அடுத்த ஆண்டு வெளியாக உள்ளது என்றும் ஆரி கூறியுள்ளார்.