பிக் பாஸ் சீசன் 6 நிகழ்ச்சியின் டைட்டில் வின்னர் பட்டத்தை வென்ற அசீம், தனக்கு கிடைக்கும் 50 லட்சம் ரூபாய் பரிசு பணத்தில் பாதியை கொரோனாவால் பெற்றோர்களை இழந்த குழந்தைகளுக்கு கொடுப்பேன் என்று வாக்குறுதி அளித்துள்ளார். அந்த வகையில் தற்போது டிரஸ்ட் ஒன்றை ஆரம்பித்து தான் கொடுத்த வாக்குறுதியை நிறைவேற்றி உள்ளார்.

பிக் பாஸ் சீசன் 6 நிகழ்ச்சியின் சர்ச்சைக்குரிய போட்டியாளராக அசீம் கருதப்பட்டார். இந்த நிகழ்ச்சியில் விக்ரமன் தான் டைட்டில் பட்டதை வெல்வார் என்று அனைவரும் எதிர்பார்த்த நிலையில் அதிரடி விருப்பமாக அசீம் தான் டைட்டில் வின்னர் என்று அறிவிக்கப்பட்டது. இதனால் பல்வேறு விமர்சனங்கள் எழுந்தன என்பது குறிப்பிடத்தக்கது.

ஆனால் அந்த விமர்சனத்தை கண்டு கொள்ளாத அசீம், தனக்கு கிடைத்த 50 லட்சம் ரூபாய் பரிசு பணத்தில் பாதியை அதாவது ரூ.25 லட்சத்தை கொரோனாவால் பெற்றோர்களை இழந்த குழந்தைகளுக்கு தருவேன் என்று வாக்குறுதி அளித்திருந்தார். அதன்படி தற்போது அசீம் தனது வாக்குறுதியை நிறைவேற்றி உள்ளார்.

அசீம் தனது பெயரில் அறக்கட்டளை ஒன்றை ஆரம்பித்து அதன் மூலம் கொரோனாவால் பெற்றோரை இழந்த ஏழை எளிய மாணவர்களுக்கு உதவி தொகையை வழங்கி உள்ளார். இது குறித்த புகைப்படங்கள் வெளியாகி உள்ள நிலையில் அனைவரும் அவரை பாராட்டி வருகின்றனர்.

இந்த நிலையில் இயக்குனர் பொன்ராம் இயக்கத்தில் உருவாக இருக்கும் அடுத்த திரைப்படத்தில் அசீம் ஹீரோவாக நடித்த ஒப்பந்தமாகியுள்ளார் என்பதும் இந்த படத்தின் படப்பிடிப்பு விரைவில் தொடங்க உள்ளது என்பதும் குறிப்பிடத்தக்கது.