கமலஹாசன் தொகுத்து வழங்கிய பிக்பாஸ் நிகழ்ச்சியின் முதல் சீசனில் டைட்டின் வின்னரான ஆரவ்வுக்கு திருமணம் என்ற செய்தி இணையதளங்களில் வைரலாகி வருகிறது.

ஆரவ் மற்றும் ஓவியா பிக்பாஸ் நிகழ்ச்சியின் போது காதலர்களாக இருந்தனர் என்பதும், ஓவியாவுக்கு ஆரவ் மருத்துவ முத்தம் கொடுத்தார் என்பதும் தெரிந்ததே. ஆனால் டிஆர்பிகாக ஆரவ்-ஓவியா காதல் குறித்த காட்சிகள் பிக்பாஸ் திரைக்கதை குழுவினர்களால் மிகைப்படுத்தப்படுத்தப்பட்டது என்றும், இதனால் ஏற்பட்ட மன அழுத்தத்தில் ஓவியா அந்த நிகழ்ச்சியில் இருந்து வெளியேறும் நிலை ஏற்பட்டது என்றும் கூறப்பட்டது.

இந்த நிலையில் பிக்பாஸ் ஆரவ்வுக்கு விரைவில் திருமணம் நடக்க இருப்பதாகவும் மணப்பெண் நடிகை ராஹே என்றும் கூறப்படுகிறது. இவர் கௌதம் மேனன் இயக்கிய ’ஜோஷுவா இமைபோல் காக்க’ என்ற படத்தின் நாயகி என்பது குறிப்பிடத்தக்கது.

இது ஒரு காதல் திருமணம் என்றும் இந்த திருமணத்திற்கு இருவீட்டாரும் சம்மதித்து விட்டதாகவும் விரைவில் இந்த திருமணம் குறித்து அதிகாரபூர்வ அறிவிப்பு வெளிவரும் என்றும் கூறப்படுகிறது.

நடிகை ஓவியா, ஆரவ்வை காதலிப்பதாக கூறப்பட்டாலும் அதில் உண்மை இல்லை என்றும் தனக்கு திருமணத்தின் மீது நம்பிக்கை இல்லை என்றும் ஓவியா தெரிவித்திருந்தார் என்பது குறிப்பிடத்தக்கது.