நடிகை வனிதா, பீட்டர்பால் என்பவரைத் திருமணம் செய்ததாக கூறப்படும் விவகாரம் கடந்த சில மாதங்களாக ஊடகங்களில் பெரும் பரபரப்பை ஏற்படுத்தியது. பல ஊடகங்களில் தலைப்புச் செய்தியாகவும் சமூக ஊடகங்களில் இது விவாத பொருளாக மாறியது. இதற்காகவே ஒரு சிலர் யூடியூப் அக்கவுண்ட் தொடங்கி அதில் சர்ச்சைக்குரிய வீடியோக்களை பதிவு செய்து வந்தனர் என்பது குறிப்பிடத்தக்கது.

இந்த நிலையில் பிக்பாஸ் நிகழ்ச்சி விரைவில் தொடங்க உள்ள நிலையில் இந்த நிகழ்ச்சியில் வனிதாவை கடுமையாக விமர்சனம் செய்த சூர்யா தேவி ஒரு போட்டியாளர் என்று அரசல் புரசலாக தகவல் வந்தது. அவர் ஒருவேளை போட்டியாளர்களில் ஒருவராக இருந்தால், பிக் பாஸ் நிகழ்ச்சியில் வனிதாவை கடுமையாக விமர்சனம் செய்வார் என்று எதிர்பார்க்கப்படுகிறது.

இந்த நிலையில் திடீர் திருப்பமாக பீட்டர்பால் முதல் மனைவி எலிசபெத் ஹெலனும், பிக் பாஸ் நிகழ்ச்சியில் கலந்து கொள்ள இருப்பதாகவும் அவரிடம் பிக்பாஸ் குழுவினர் பேச்சுவார்த்தை நடத்தி வருவதாகவும் கூறப்படுகிறது. வனிதாவுக்கு பிடிக்காத இருவரை பிக் பாஸ் நிகழ்ச்சியில் கொண்டு வந்திருப்பதால் நிகழ்ச்சி முற்றிலும் பெரும் பரபரப்பை ஏற்படுத்தும் என எதிர்பார்க்கப்படுகிறது.

இருப்பினும் சூர்யா தேவி, எலிசபெத் ஹெலன் ஆகிய இருவரும் பிக்பாஸ் நிகழ்ச்சியின் போட்டியாளர்களா? என்பதை பிக்பாஸ் நிகழ்ச்சி தொடங்கும் அன்று தான் உறுதி செய்ய முடியும் என்பது குறிப்பிடத்தக்கது