பிக்பாஸ் போட்டியாளர்களுக்கு நேற்று இரண்டு விதமான டாஸ்க் கொடுக்கப்பட்டது. முதல் டாஸ்க்கான பஸ்ஸர் மீது வைத்திருக்கும் கையை எடுக்க வைக்கும் டாஸ்க்கில் யாஷிகா, விஜயலட்சுமி தவிர மற்றவர்கள் தோல்வி அடைந்தனர். குறிப்பாக ரித்விகா, ஐஸ்வர்யா மற்றும் பாலாஜிக்கு மைனஸ் பாயிண்ட்டுக்கள் கிடைத்தது.

ஆனால் அதே நேரத்தில் அடுத்ததாக கொடுக்கப்பட்ட 'ஞாபகம் வருகிறதா' டாஸ்க்கில் ஐஸ்வர்யா அபாரமாக விளையாடினார். பிக்பாஸ் சொல்லும் கலர்களை சரியாக ஞாபகம் வைத்து எந்தவித டென்ஷனும் இல்லாமல் டான்ஸ் ஆடிக்கொண்டே சரியாக விளையாடியதால் அவருக்கு முழு மதிப்பெண்ணான 250 மதிப்பெண் கிடைத்தது. முதல் டாஸ்க்கில் அவர் -20 மதிப்பெண் வாங்கியிருந்ததால் அவரது மொத்த மதிப்பெண் 230ஆக மாறியது. அதேபோல் யாஷிகாவும் இரண்டு டாஸ்க்குகளில் 230 மதிப்பெண்கள் பெற்றுள்ளார். தற்போது இருவரும் சம மதிப்பெண்களில் முதலிடத்தில் உள்ளனர்.

பிக்பாஸ் கலர்களின் பெயரை தமிழில் கூறியபோதும் தமிழ் சரியாக தெரியாத போட்டியாளர்களான ஐஸ்வர்யாவும், யாஷிகாவும் நன்றாக விளையாடியபோதிலும் தமிழ்ப்பெண்கள் இந்த டாஸ்க்கில் சொதப்பினார்கள். விஜயலட்சுமி, ஜனனி ஓரளவு சுமாராக விளையாடினாலும், ரித்விகா, பாலாஜி மிக மோசமாக விளையாடியதால் அவர்கள் இன்னும் மைனஸ் புள்ளிகளில் உள்ளனர்.

நேற்றைய டாஸ்க்கில் ஐஸ்வர்யாவை பார்த்து யாஷிகா காப்பியடித்ததாக கூறப்படுகிறது. அதே நேரத்தில் ஐஸ்வர்யா நேர்மையாக விளையாடிய ஒரே டாஸ்க் இதுவாகத்தான் இருக்கும் என்று கூறப்படுகிறது. ஐஸ்வர்யா மீது பல்வேறு விமர்சனங்கள் வைத்தபோதிலும் அவரது ஞாபகசக்தி திறனை கண்டிப்பாக பாராட்டியே ஆகவேண்டும்.