இந்த வாரம் வெளியேறும் போட்டியாளர் இவரா? டபுள் எவிக்சன் உண்டா?
- IndiaGlitz, [Saturday,December 21 2024]
விஜய் டிவியில் ஒளிபரப்பாகி வரும் பிக் பாஸ் நிகழ்ச்சி 75 நாட்களை தாண்டி விறுவிறுப்பாக சென்று கொண்டிருக்கும் நிலையில், இன்னும் ஒரு மாதத்தில் இந்த நிகழ்ச்சி முடிவடைய இருப்பதால், இனி வரும் நாட்கள் சுவாரஸ்யமாகவும், பரபரப்பாகவும் இருக்கும் என்று எதிர்பார்க்கப்படுகிறது.
இந்த நிலையில், கடந்த இரண்டு வாரங்களாக டபுள் எவிக்சன் செய்யப்பட்டு இரண்டு போட்டியாளர்கள் வெளியேற்றப்பட்ட நிலையில், இந்த வாரமும் இரண்டு போட்டியாளர்கள் வெளியேறலாம் என்று எதிர்பார்க்கப்படுகிறது.
அந்த வகையில் இந்த வாரம் நாமினேஷன் செய்யப்பட்டவர்களில் ரஞ்சித், ராயன் மற்றும் மஞ்சரி ஆகிய மூவரும் குறைந்த வாக்குகள் பெற்றதாக தகவல் வெளியான நிலையில், சற்றுமுன் வெளியான தகவல் படி, இந்த வாரம் ரஞ்சித் எவிக்சன் செய்யப்படுவதாக கூறப்பட்டுள்ளது. ஒருவேளை டபுள் எவிக்சன் இருந்தால், ராயன், மஞ்சரி ஆகிய இருவரில் ஒருவர் நாளை வெளியேற்றப்படலாம் என்று எதிர்பார்க்கப்படுகிறது.
ஏற்கனவே கடந்த வாரம் சத்யா, தர்ஷிகா ஆகியோர்கள் எவிக்சன் செய்யப்பட்ட நிலையில், அதற்கு முந்தைய வாரம் சாச்சனா மற்றும் ஆனந்தி வெளியேற்றப்பட்டனர். அதேபோல் இந்த வாரம் டபுள் எவிக்சன் இருக்குமா என்பதை பொறுத்திருந்து பார்ப்போம்.