விஜய் டிவியில் பிக்பாஸ் தமிழ் 7வது சீசன் நாளை முதல் தொடங்க இருக்கும் நிலையில் இன்று இந்த நிகழ்ச்சியின் முதல் நாள் படப்பிடிப்பு தொடங்கி விட்டதாகவும் கமல்ஹாசன் இந்த படப்பிடிப்பில் கலந்து கொண்டிருப்பதாகவும் செய்திகள் வெளியாகி உள்ளன.

இந்த நிலையில் இந்த சீசனில் கலந்து கொள்ள இருக்கும் போட்டியாளர்கள் யார் யார் என்பது குறித்து தகவல் ஏற்கனவே கசிந்தாலும் தற்போது இறுதிக்கட்ட தகவல் வெளியாகி உள்ளது.

இந்த நிகழ்ச்சியில் விஜய் டிவி பிரபலங்களான சரத், பாவனா, மாகாபா, உமா ரியாஸ் கலந்து கொள்ள வாய்ப்பு இருப்பதாக கூறப்படுகிறது. மேலும் சிம்புவின் தீவிர ரசிகரான கூல் சுரேஷ் பிக்பாஸ் நிகழ்ச்சி கலந்து கொள்ள இருப்பதாகவும் கூறப்படுகிறது.

அது மட்டும் இன்றி பிக்பாஸ் அல்டிமேட் நிகழ்ச்சியின் டைட்டில் வின்னர் பாலாஜி முருகதாஸ் குடும்ப நண்பர் அனன்யா ராவ் என்பவர் இந்த நிகழ்ச்சியில் ஒரு போட்டியாளர் என்று கூறப்படுகிறது.

மேலும் பிக்பாஸ் 6வது சீசனில் கலந்து கொண்ட அமீரின் குடும்ப நண்பர் ஐஷு என்பவர் இந்த நிகழ்ச்சியில் போட்டியாளராக இருப்பதாக கூறப்படுகிறது. மேலும் ’சத்யா’ ‘ஆபீஸ்’ உள்ளிட்ட சீரியலில் நடித்த விஷ்ணு, பாண்டியன் ஸ்டோர் சீரியலில் நடித்த கண்ணன், இந்த சீரியலில் அவருக்கு ஜோடியாக நடித்த தீபிகா ஆகியோர்களும் இந்த சீசன் போட்டியாளர்கள் என தெரிகிறது.

எழுத்தாளர் பவா செல்லதுரை அவர்களும் ஒரு போட்டியாளர் என்று கூறப்படுகிறது. மேலும் ’லவ் டுடே’ படத்தின் நாயகியான இவானாவின் தங்கை அக்ஷயா உதயகுமார் இந்த சீசனில் ஒரு போட்டியாளர் என்று கூறப்படுகிறது

பிக்பாஸ் போட்டியாளர்கள் குறித்து தகவல் வெளியானாலும் தற்போது பிக்பாஸ் நிகழ்ச்சியின் படப்பிடிப்பு நடந்து கொண்டிருப்பதால் இன்னும் சில மணி நேரத்தில் போட்டியாளர்கள் யார் யார் என்பது அதிகாரப்பூர்வமாக தெரிந்துவிடும் என்று எதிர்பார்க்கப்படுகிறது.

நாயகன் மீண்டும் வர..😍 எட்டுத்திக்கும் பயம்தானே..🔥#GrandLaunch of Bigg Boss Tamil Season 7 - நாளை மாலை 6 மணிக்கு நம்ம விஜய் டிவில.. @iKamalHaasan @disneyplushotstartamil #RendulaOnnuPaakkalaam #BiggBossTamil #BBT #BBTamilSeason7 #பிக்பாஸ் #VijayTelevision #VijayTV pic.twitter.com/RqXRA4nNlf

— Vijay Television (@vijaytelevision) September 30, 2023