பிக் பாஸ் தமிழ் நிகழ்ச்சி கடந்த ஆறு சீசன்கள் நல்ல வரவேற்பை பெற்ற நிலையில் வரும் ஆகஸ்ட் மாதம் 7வது சீசன் தொடங்கும் என்று எதிர்பார்க்கப்படுகிறது.

ஏற்கனவே இந்த சீசனில் கலந்து கொள்ள இருக்கும் போட்டியாளர்களின் ஆடிஷன் நடந்து கொண்டிருப்பதாகவும் இதில் சில திரை உலக பிரபலங்கள், அரசியல்வாதிகள், இசை கலைஞர்கள், விஜய் டிவி பிரபலங்கள் கலந்து கொண்டதாகவும் கூறப்பட்டது.

குறிப்பாக சரத், பாவனா, மாகாபா, உமா ரியாஸ், உள்ளிட்ட ஒரு சிலர் ஆடிஷனில் கலந்து கொண்டதாக கூறப்பட்டது. அதேபோல் நடிகை ரேகா நாயர் கலந்து கொண்டார் என்று கூறப்படுகிறது.

இந்த நிலையில் தற்போது வந்துள்ள தகவலின்படி பிக்பாஸ் சீசன் 7 நிகழ்ச்சியின் புரோமோ படப்பிடிப்பு முடிந்து விட்டதாகவும் இதில் கமல்ஹாசன் கலந்து கொண்டதாகவும் கூறப்படுகிறது. மேலும் கமல்ஹாசன் தற்போது திரைப்படங்களிலும் பிஸியாக இருப்பதால் அவரது தேதியை கணக்கில் கொண்டு பிக்பாஸ் தொடங்கும் தேதி குறித்த அறிவிப்பு வெளியாகும் என்று கூறப்படுகிறது.