பிக்பாஸ் நிகழ்ச்சியில் ஒவ்வொரு வாரமும் திங்கட்கிழமை போட்டியாளர்கள் நாமினேஷன் செய்யப்படுவார்கள் என்பதும் நாமினேஷன் செய்யப்பட்டவர்களில் குறைந்த வாக்குகள் பெற்ற ஒருவர் ஞாயிற்றுக்கிழமை வெளியேற்றப்படுவார் என்பதும் தெரிந்ததே.

அந்த வகையில் இந்த வாரம் திங்கட்கிழமை விக்ரமன், அசீம், கதிரவன், ஆயிஷா மற்றும் ஷெரினா ஆகிய 5 பேர் நாமினேஷன் செய்யப்பட்டிருந்த நிலையில் தற்போதைய நிலவரப்படி யார் யாருக்கு எவ்வளவு வாக்குகள் கிடைத்துள்ளது என்ற தகவல் வெளியாகி உள்ளன.

நாமினேஷன் செய்யப்பட்ட 5 பேர்களில் குறைந்த பட்சமாக 4 சதவீத வாக்குகள் மட்டுமே ஷெரினா பெற்று உள்ளதை அடுத்து அவர் இந்த வாரம் வெளியேற அதிக வாய்ப்பு இருப்பதாக கூறப்படுகிறது. கடந்த வாரம் பொம்மை டாஸ்க்கில் அவரது போலி நடிப்பு அவரை இந்த வாரம் வெளியேற்றுவதாக தெரிகிறது.

ஷெரினாவுக்கு அடுத்தபடியாக 7 சதவீத வாக்குகளை ஆயிஷா பெற்று இந்த வார எவிக்சனில் இருந்து கிட்டத்தட்ட தப்பியுள்ளார். இந்த நாமினேஷன் பட்டியலில் உள்ள விக்ரமன் 37 சதவீத வாக்குகளை பெற்று முதலிடத்தில் உள்ளார். வெளியேற்றப்பட வேண்டிய போட்டியாளர் என்று பலரும் கணித்த அசீம் 33 சதவீத வாக்குகள் பெற்று இந்த வாரம் எவிக்சனில் இருந்து தப்பி விட்டார் என்பது குறிப்பிடத்தக்கது.

நாமினேஷன் பட்டியலில் உள்ள இன்னொரு போட்டியாளர் கதிரவன் 17 சதவீத வாக்குகள் பெற்று உள்ளதால் அவரும் இந்த வாரம் வெளியேற வாய்ப்பு இல்லை என்பது தெரியவந்துள்ளது.