பிக்பாஸ் நிகழ்ச்சி இன்று 34வது நாளாக நடைபெற்று வரும் நிலையில் கடந்த வாரத்தில் பல மோதல்கள், சண்டை சச்சரவுகள், அழுகைகள், காமெடிகள் என அனைத்தும் நடந்தன என்பது தெரிந்ததே.

குறிப்பாக ’கண்ணா லட்டு தின்ன ஆசையா’ மற்றும் அடை தேனடை’ ஆகிய இரண்டு குழுவினரும் உள்ளே இருந்து வரும் பொருட்களை எடுப்பதற்காக மோதியது மிகவும் ஆவேசமாக இருந்தது.

இந்த நிலையில் இன்றும் நாளையும் கமல்ஹாசன் முன்னிலையில் இந்த வாரம் நடந்த டாஸ்கின் பஞ்சாயத்துக்கள் விசாரிக்கப்படும் என்று எதிர்பார்க்கப்படுகிறது. அந்த வகையில் சற்று முன் கமல்ஹாசன் தோன்றும் புரமோ வீடியோவில் ’ஸ்வீட் பண்ண சொன்னா, பைட் பண்ணிக்கிட்டு இருக்காங்க! என்றைக்கு பணம் சம்பாதிக்க வேண்டும் என்பது தான் குறின்னு ஆகிருச்சோ, அன்னைக்கே பதுக்கலும் சுரண்டலும் ஆரம்பித்துவிடும். நாடு மாதிரியே வீட்டிலேயும் அது ஆரம்பித்து விட்டது.

இப்பொழுது இவங்க காட்டுற முகம் தான் இவர்களது உண்மையான முகமா? அல்லது புதிதாக போட்டிருக்கும் முகமூடியா? பார்ப்போம் என்று கமல் கூறுவதுடன் இன்றைய புரமோ முடிகிறது. இந்த புரமோவில் இருந்து இன்றைய நிகழ்ச்சி காரசாரமாக இருக்கும் என்று எதிர்பார்க்கப்படுகிறது.

#Day34 #Promo1 of #BiggBossTamil #BiggBossTamil6 - இன்று இரவு 9:30 மணிக்கு நம்ம விஜய் டிவில.. #BBTamilSeason6 #BiggBoss #பிக்பாஸ் #VijayTelevision @preethiIndia @NipponIndia pic.twitter.com/YdCMdhICiU

— Vijay Television (@vijaytelevision) November 12, 2022