விஜய் டிவியில் ஒளிபரப்பாகிவரும் பிக்பாஸ் நிகழ்ச்சி இதுவரை ஐந்து சீசன்கள் முடிவடைந்த நிலையில் வெகு விரைவில் 6வது சீசன் தொடங்க இருப்பதாக கூறப்பட்டு வருகிறது. மேலும் இந்த நிகழ்ச்சிக்கான போட்டியாளர்களின் தேர்வு நடைபெற்று வருவதாக கூறப்பட்ட நிலையில் தற்போது இரண்டு தமிழ் நடிகைகள் இந்த நிகழ்ச்சியில் கலந்து கொள்ள வாய்ப்பு இருப்பதாக தெரிகிறது.

கமல்ஹாசன் தொகுத்து வழங்கிய பிக்பாஸ் நிகழ்ச்சி ஐந்து சீசன்கள் வெற்றிகரமாக முடிவடைந்த நிலையில் ஆறாவது சீசனையும் அவரே தொகுத்து வழங்க இருப்பதாக செய்திகள் வெளியாகியுள்ளது.

இந்த நிலையில் இந்த நிகழ்ச்சியில் கலந்துகொள்ளும் போட்டியாளர்களாக தொகுப்பாளர் ரக்சன், சூப்பர் சிங்கர் ராஜலட்சுமி, சுசித்ராவின் முன்னாள் கணவர் கார்த்திக் குமார், இசையமைப்பாளர் இமானின் முன்னாள் மனைவி, தொகுப்பாளினி டிடி, பாலிமர் நியூஸ் செய்தி வாசிப்பாளர் ரஞ்சித், சீரியல் நடிகை ஸ்ரீநிதி உள்பட பலர் கலந்து கொள்ள இருப்பதாக வெளியான தகவலை ஏற்கனவே பார்த்தோம்.

இந்த நிலையில் தற்போது இந்த நிகழ்ச்சியில் நடிகைகள் தர்ஷா குப்தா மற்றும் ஷில்பா மஞ்சுநாத் ஆகிய இருவரும் கலந்து கொள்ள இருப்பதாக கூறப்படுகிறது. குக் வித் கோமாளி என்ற நிகழ்ச்சியின் மூலம் பிரபலமாகி அதன்பின்னர் மோகன் ஜி இயக்கிய ‘ருத்ரதாண்டவம்’ படத்தில் நாயகியாக நடித்தவர் தர்ஷா குப்தா. மேலும் இவர் தனது இன்ஸ்டாகிராம் பக்கத்தில் தினந்தோறும் கவர்ச்சிகரமான போட்டோஷூட் புகைப்படங்களை பதிவு செய்து ரசிகர்களை கிறங்கடித்து வருகிறார்.

அதேபோல் ’காளி’, ‘இஸ்பேட் ராஜாவும் இதய ராணியும்’ உள்பட ஒருசில படங்களில் நடித்த ஷில்பா மஞ்சுநாத் சமூக வலைதளங்களில் பிரபலம் என்பதும் இவரது கிளாமர் புகைப்படங்கள் மிகப்பெரிய அளவில் வைரலாகும் என்பது தெரிந்ததே. இந்த இருவரும் பிக் பாஸ் நிகழ்ச்சியில் கலந்து கொள்வது உறுதி செய்யப்பட்டால் பிக்பாஸ் நிகழ்ச்சியில் கவர்ச்சிக்கு பஞ்சம் இருக்காது என்று கூறப்படுகிறது.