பிக்பாஸ் தமிழ் சீசன் 5 தொடங்கும் தேதி இதுவா?
- IndiaGlitz, [Tuesday,August 31 2021]
விஜய் டிவியில் பிக்பாஸ் நிகழ்ச்சி நான்கு சீசன்கள் முடிவடைந்து விரைவில் ஐந்தாவது சீசன் விரைவில் தொடங்கப்படும் என்று கூறப்படும் நிலையில் இந்த நிகழ்ச்சி தொடங்கப்படும் தேதி குறித்த தகவல் தற்போது கசிந்துள்ளது.
பிக்பாஸ் நிகழ்ச்சியில் ஐந்தாவது சீசன் கமல்ஹாசன் தொகுத்து வழங்குவது உறுதி செய்யப்பட்டுள்ள நிலையில் இந்த நிகழ்ச்சியின் புரமோ படப்பிடிப்பில் கமல்ஹாசன் கலந்து கொண்டதாக கூறப்பட்டது.
இந்த நிலையில் பிக்பாஸ் தமிழ் சீசன் 5 வரும் அக்டோபர் 3ஆம் தேதி தொடங்க உள்ளதாக தகவல்கள் கசிந்துள்ளது. மேலும் விஜய் டிவியின் டுவிட்டர் பக்கத்தில் இது குறித்த முறையான அறிவிப்பு இன்று மாலை 5.55 வெளியாகும் என்றும் கூறப்பட்டு வருவதால் பெரும் பரபரப்பு ஏற்பட்டுள்ளது.
ஏற்கனவே பிக்பாஸ் நிகழ்ச்சியில் குக் வித் கோமாளி நிகழ்ச்சியில் கலந்துகொண்ட கனி, தர்ஷா, சுனிதா உள்பட ஒரு சிலர் கலந்து கொள்ள இருப்பதாகவும் அதேபோல் ஷகிலாவின் மகள் மிளா மற்றும் திரையுலக, சின்னத்திரை பிரபலங்கள் கலந்து கொள்ள இருப்பதாகவும் கூறப்பட்டது. இந்த நிலையில் பிக்பாஸ் நிகழ்ச்சி தொடங்கும் தேதி அறிவிக்கப்பட்டு விட்டால் பிக்பாஸ் போட்டியாளர்களின் தகவலும் படிப்படியாக கசியும் என்று எதிர்பார்க்கப்படுகிறது.
?? 5:55 pm ?? pic.twitter.com/krUVWXexXH
— Vijay Television (@vijaytelevision) August 31, 2021