பிக் பாஸ் சீசன் 5 நிகழ்ச்சி விஜய் டிவியில் ஒளிபரப்பாகி வரும் நிலையில் ஆரம்பத்தில் ஒரு சில நாட்கள் வழக்கம்போல் போட்டியாளர்கள் ஒற்றுமையாக இருந்தார்கள். அதன் பின்னர் தற்போது அனைத்து சீசன்களில் உள்ளது போலவே ஒருவரை ஒருவர் குற்றம் சொல்ல ஆரம்பித்து விட்டார்கள் என்பதும் ஒருவர் குறித்து இன்னொருவரிடம் புறங்கூறி வருகிறார்கள் என்பதையும் பார்த்து வருகிறோம்.

இந்த நிலையில் இன்றைய முதல் புரோமோவில் இமான் அண்ணாச்சி குறித்து இசைவாணி குற்றம் சொல்லும் காட்சிகள் இடம்பெற்றுள்ளன. அதில் ’அவர் ஒருத்தர்தான் எது சொன்னாலும் கேட்க மாட்டேங்கிறார் என்று இசைவாணி கூற, அதற்கு யார் என்று ராஜூ கேட்க, அண்ணாச்சி தான் என்று இசைவாணி கூறுகிறார். அதெல்லாம் அண்ணாச்சி நல்லா மேட்ச் பண்ணுவாரே என்று ராஜூ கூறியபோது ’நல்லா பண்றாரு’ என்று சலிப்புடன் கூறிய இசைவாணி, ‘ஓகே கேக்கலைன்னா இனிமேல் ஸ்ட்ரெயிட்டா கமல் சார் கிட்ட பேச போறேன் என்று கூறுகிறார்.

இதனை அடுத்து டைனிங் டேபிளில் அனைத்து போட்டியாளர்களும் இருக்கும்போது இசைவாணியை ஒருசில போட்டியாளர்கள் குற்றஞ்சாட்டுகின்றனர். முதலில் தாமரை இசைவாணி குறித்து கூறியதும், ‘என்னக்கா இப்படி பேசுகிறீர்கள் என்று இசைவாணி புலம்புகிறார். அதனை அடுத்து மதுமிதாவும் இசைவாணி குறித்து கூறுகிறார். இதெல்லாம் பார்க்கும்போது இந்த வாரம் இசைவாணி கமல் சாரிடம் ஒரு பஞ்சாயத்தை கூட்டுவார் என்று எதிர்பார்க்கப்படுகிறது.

#Day25 #Promo1 of #BiggBossTamil #பிக்பாஸ் - திங்கள் முதல் வெள்ளி இரவு 10 மணிக்கு, சனி மற்றும் ஞாயிறு இரவு 9:30 மணிக்கு நம்ம விஜய் டிவில.. #BBTamilSeason5 #BiggBossTamil5 #பிக்பாஸ் #nipponpaintindia #PreethiPowerDuo #VijayTelevision pic.twitter.com/qhRKEudy6z

— Vijay Television (@vijaytelevision) October 28, 2021