பிக் பாஸ் நிகழ்ச்சியில் இன்று வாரம் பாட்டி சொல்லை தட்டாதே என்ற டாஸ்க் போட்டியாளர்களுக்கு கொடுக்கப்பட்டது என்பதும், இந்த் டாஸ்க்கை பிக்பாஸ் போட்டியாளர்கள் சுவாரஸ்யமாகவும் ஒருசிலர் புரிந்து கொள்ளாமலும் விளையாடினார்கள் என்பதும் தெரிந்ததே.

இந்த டாஸ்க்கை ஒருசிலர் சரியாக புரிந்து கொள்ளாமல் விளையாடியதால் இந்த வார லக்சரி பட்ஜெட் போட்டியாளர்களுக்கு கிடையாது என்று இன்று காலை வெளியான முதல் புரமோவில் பிக்பாஸ் அறிவித்ததார். அதுமட்டுமின்றி பாலாஜி டாஸ்க்கை புரிந்து கொள்ளாமல் விளையாடியதாக அவருக்கு கண்டனம் தெரிவித்தார்.

இந்த நிலையில் சற்று முன் வெளியான அடுத்த புரோமோவில் ’பாட்டி சொல்லை தட்டாதே’ டாஸ்க்கில் பத்திரத்தை திருடிய திருடனும் அவருடைய கூட்டாளிகளும் தங்களை தாங்களே அறிமுகப்படுத்துங்கள் என்று கூறியபோது சோம், ரம்யா மற்றும் கேப்ரில்லா எழுந்தபோது சக போட்டியாளர்கள் ஆச்சரியம் அடைந்தனர். அதன்பின்னர் ரம்யா தங்களது டாஸ்க் குறித்து விளக்கினார். எங்களுக்குக் கொடுக்கப்பட்ட சீக்ரெட் டாஸ்க்கை நாங்கள் செய்து முடித்து ரகசியமாக வைத்திருந்தோம் என்று கூறினார்.

அதன்பிறகு பிக்பாஸ் வீட்டில் உள்ள டிவியில் சோம் பத்திரத்தை திருடும் காட்சி ஒளிபரப்பப்பட்டதை போட்டியாளர்கள் கண்டு ரசித்தனர் என்பது குறிப்பிடத்தக்கது. ஒரு கட்டத்தில் சோம்சேகரின் திருட்டுத்தனத்தை ரசித்த ரியோ அவருடைய முதுகில் ரவுண்டுகட்டி செல்லமாக அடிக்க, சோம் கூட்டாளியான ரம்யாவும் சேர்ந்து அடித்தது நகைச்சுவையாக இருந்தது.

#Day39 #Promo2 of #BiggBossTamil #பிக்பாஸ் - தினமும் இரவு 9:30 மணிக்கு நம்ம விஜய் டிவில.. #BBTamilSeason4 #BiggBossTamil4 #VijayTelevision pic.twitter.com/tezVplGOy7

— Vijay Television (@vijaytelevision) November 12, 2020