பிக்பாஸ் வீட்டில் போட்டியாளர்களில் ஒருவரான பாலாஜி, தான் மிஸ்டர் இந்தியா என்று டாஸ்க் ஒன்றில் கூறினார். மேலும் மிஸ்டர் அண்ட் மிஸஸ் சவுத் இந்தியா என்ற பெயரில் நிகழ்ச்சி ஒன்றை நடத்தியதாகவும் அவர் கூறினார். அப்போது சனம் குறிக்கிட்டபோது ’இது உங்கள் நிகழ்ச்சி போல டுபாக்கூர் கிடையாது’ என்று கூறியதை அடுத்து இருவருக்கும் பெரும் பிரச்சனை ஏற்பட்டது என்பது தெரிந்ததே.

இந்த நிலையில் இதுகுறித்து ஜோ மைக்கல் என்பவர் தனது நிறுவனம் குறித்து பாலாஜி முருகதாஸ் சர்ச்சைக்குரிய வகையில் விமர்சனம் செய்ததற்காக மன்னிப்பு கேட்க வேண்டும் என்றும், இல்லையேல் அவருக்கு தங்களது நிறுவனம் சார்பாக வக்கீல் நோட்டீஸ் அனுப்பப்படும் என்றும் கூறியுள்ளார்.

மேலும் பாலாஜி கூறியதுபோல அவர் நடத்தியது மிஸ்டர் அண்ட் மிஸஸ் சவுத் இந்தியா நிகழ்ச்சி கிடையாது என்றும் அந்த நிகழ்ச்சியின் உரிமையாளரும் பாலாஜி கிடையாது என்றும் கூறினார். மேலும் பாலாஜி பெற்ற மிஸ்டர் இந்தியா பட்டம் கடந்த ஜூன் மாதமே காலாவதி ஆகி விட்டதாகவும் அதன் பின்னரும் அவர் அந்த பட்டத்தை பயன்படுத்தி வருவதால் அவர் மீது சட்டப்படி நடவடிக்கை எடுக்க வாய்ப்பு இருப்பதாகவும் தெரிவித்தார்.

ஒரு பக்கம் பாலாஜி தன்னை மிஸ்டர் இந்தியா என்று பிக்பாஸ் வீட்டிற்குள் கூறிக் கொண்டிருக்கும் நிலையில் இன்னொரு பக்கம் அவரது மிஸ்டர் இந்தியா சர்ச்சைக்குரிய வகையில் வெளியில் வாக்குவாதம் செய்யப்பட்டு வருகிறது என்பது குறிப்பிடத்தக்கது.