பிக்பாஸ் வீட்டில் நேற்று நாமினேசன் படலம் நடந்த நிலையில் அனிதா, பாலாஜி, ஆரி, நிஷா, சனம், ஜித்தன் ரமேஷ், சோம் ஆகிய 7 பேர் நாமினேட் செய்யப்பட்டனர் என்பதை ஏற்கனவே பார்த்தோம். ஆனால் திடீரென நாமினேசனில் ஒரு திருப்பம் ஏற்பட்டது

ஏற்கனவே எவிக்சன் பாஸ் என்ற ஒரு அறிவிப்பை கடந்த சில நாட்களுக்கு முன்னர் பிக்பாஸ் அறிவித்தார் என்றும் அந்த பாஸை பெற்ற ஆஜீத் ஒருமுறை பயன்படுத்தி எவிக்சனில் இருந்து தப்பித்தார் என்பதையும் பார்த்தோம்

இந்த நிலையில் தற்போது திடீரென நாமினேஷன் டாப்புள் பாஸ் என்பதை பிக்பாஸ் அறிவித்தார். நாமினேசன் செய்யப்பட்ட ஏழு பேரில் ஒருவருக்கு இந்த பாஸ் கிடைத்தால் அவர்கள் நாமினேஷனில் இருந்து தப்பித்துக் கொண்டு அவருக்கு பதிலாக வேறு ஒருவரை நாமினேட் செய்யலாம் என்று பிக்பாஸ் அறிவித்துள்ளார்

இதனை அடுத்து இந்த டாபுள் பாஸை பெறுவதற்கு ஏழு பேர்களும் ஆர்வம் கொண்டனர். இருப்பினும் கடைசி கட்டமாக நிஷா, சனம் மற்றும் அனிதா ஆகிய 3 பேர் பிடிவாதமாக இந்த டாப்புள் கார்டை பெறுவதில் இருந்தனர். கடைசி வரை விட்டுக்கொடுக்காமல் இருந்த நிஷா ஒரு வழியாக சமாதானமாகியதால் அனிதாவுக்கு டாப்புள் கார்ட் கிடைத்தது

இந்த டாப்புள் கார்டை பயன்படுத்தி சம்யுக்தாவை நாமினேட் செய்வதாக அறிவித்தார் அனிதா. முன்னதாக இந்த பாஸ் கிடைத்தால் யாரை நாமினேட் செய்வோம் என்ற அறிவிப்பில் அனிதா, பாலாஜி, சனம் ஆகிய மூவருமே அர்ச்சனா குரூப்பில் உள்ளவர்களை தான் நாமினேட் செய்வதாக அறிவித்தனர் என்பதும் அதே போல் அனிதாவுக்கு அந்த கார்ட் கிடைத்ததும் அர்ச்சனா குருப்பில் உள்ள சம்யுக்தாவை நாமினேட் செய்தார் என்பதும் குறிப்பிடத்தக்கது

இதனை அடுத்து இந்த வாரம் நாமினேஷன் லிஸ்டில் அனிதா நீக்கப்பட்டு அவருக்கு பதிலாக சம்யுக்தா இடம் பெற்றுள்ளார். நாமினேஷன் படலத்தில் நடைபெற்ற இந்த திடீர் திருப்பம் பிக்பாஸ் நிகழ்ச்சியில் பரபரப்பை ஏற்படுத்தி உள்ளது