இந்த வார இரண்டாவது எலிமினேஷன் இவர்தான்: அர்ச்சனாவுக்கு டபுள் அதிர்ச்சி!
- IndiaGlitz, [Saturday,December 12 2020]
பிக்பாஸ் நிகழ்ச்சியில் இந்த வாரம் டபுள் எவிக்சன் என்பதும் இன்று ஒருவர் மற்றும் நாளை ஒருவர் என்பதும் தெரிந்ததே. அந்த வகையில் இன்று ஜித்தன் ரமேஷ் எவிக்சன் ஆக இருப்பதாக நம்பத்தகுந்த வட்டாரங்களில் இருந்து தகவல்கள் வெளிவந்துள்ள நிலையில் இதனை அடுத்து நாளைய எவிக்சன் யாராக இருக்கும் என்ற கேள்வி அனைவர் மனதிலும் எழுந்துள்ளது
இந்த நிலையில் சற்று முன்னர் அது குறித்த தகவல்கள் உள்ளன. அந்த வகையில் பிக்பாஸ் வீட்டில் இருந்து நாளை வெளியேறும் போட்டியாளர் நிஷா தான் என்று பிக்பாஸ் வட்டாரங்களில் இருந்து தகவல்கள் வெளிவந்துள்ளன. அர்ச்சனாவின் அன்பு குரூப்பில் இருந்த ரமேஷ் மற்றும் நிஷா ஆகிய இருவரும் அடுத்தடுத்து வெளியேறுவது குறிப்பாக நிஷா வெளியேறுவது அர்ச்சனாவுக்கு மிகப்பெரிய இழப்பாக இருக்கும் என்பது மட்டுமின்றி அன்பு குரூப்புக்கும் பேரதிர்ச்சி தான் என்பது குறிப்பிடத்தக்கது
அர்ச்சனாவின் அன்பு குரூப்பில் இதுவரை 6 பேர் இருந்ததால் அவர்கள் அனைவரும் ஒன்றிணைந்து ஒருவரை டார்கெட் செய்து மோசமான போட்டியாளராகவும், நாமினேஷனில் இருவரை குறிவைத்தும் செயல்பட்டனர். தற்போது அவர்களில் இருவர் குறைந்துவிட்ட நிலையில் இனி ஆட்டம் சூடு பிடிக்கும் என்பது குறிப்பிடத்தக்கது. அன்பு குரூப்பில் இருந்து அடுத்தடுத்து இருவர் வெளியேறி இருப்பது கண்டிப்பாக அர்ச்சனாவுக்கு டபுள் அதிர்ச்சியாகத்தான் இருக்கும் என்பது குறிப்பிடத்தக்கது