பிக்பாஸ் நிகழ்ச்சியில் பாலாஜியின் கேரக்டர் ஒட்டுமொத்த முரண்பாடாக உள்ளதை பலமுறை பார்த்துவிட்டோம். திடீரென ஆத்திரத்தில் பொங்கி எழுவார், திடீரென நக்கலாக எதிராளியை குத்தி காட்டுவார், திடீரென காலில் விழுந்து மன்னிப்பு கேட்பார், அடுத்த நிமிடமே அவரிடமே சண்டை போடுவார், திடீரென எதிராளிக்கே ஆதரவாக பேசுவார். அவரது உண்மையான கேரக்டர் என்ன என்பதை 50 நாட்கள் முடிந்த பின்னரும் சக போட்டியாளர்களும் சரி, பார்வையாளர்களும் சரி புரிந்து கொள்ள முடியவில்லை

ஷிவானி ஒருவரிடம் மட்டும் தான் பாலாஜி இன்னும் தனது ஒரிஜினல் முகத்தை காட்டவில்லை என தெரிகிறது. ஆனால் கடந்த இரண்டு நாட்களாக ஷிவானியிடமும் பாலாஜி தனது வேலையை காட்ட தொடங்கிவிட்டார். நேற்றே பாத்ரூம் அருகே இருவரும் பேசிக்கொண்டிருக்கும்போது, திடீரென ஷிவானி சொன்னதை புரிந்து கொள்ளாமல் ஒரு வார்த்தையை விட பின்னர் ஷிவானி அதனை சுட்டிக்காண்பித்த பிறகு, சாரி கேட்டார்

இந்த நிலையில் தற்போது வெளிவந்துள்ள ஒரு வீடியோவில் ஷிவானியும் பாலாஜியும் நேருக்கு நேர் முகத்தை பார்த்து பேசி கொண்டிருக்கின்றனர். அப்போது திடீரென பாலாஜி நகர்ந்து செல்கிறார். பாலாஜியின் ஸ்டெட்டர்ஜியில் இதுவும் ஒன்று. தன்னிடம் பேசி கொண்டிருப்பவரை வெறுப்பேற்ற, அவர் பேசி கொண்டிருக்கும்போதே நகர்ந்து செல்வது. இதைத்தான் ஷிவானியிடமும் செய்தார். இதனால் கடுப்பான ஷிவானி, ‘நான் பேசிக்கொண்டிருக்கும் போதே நகர்ந்து சென்றால் என்ன அர்த்தம்’ என்று கூறி ‘நீங்கள் பேசி கொண்டிருக்கும்போது நான் அதே மாதிரி சென்றால் எப்படி இருக்கும் என்று பாலாஜி பாணியிலேயே செய்து காட்டினார். இதனால் பாலாஜி வெறுப்பானார். பாலாஜி பாணியிலேயே பாலாஜியை ஷிவானி வெறுப்பேற்றியது பெரும் பரபரப்பை ஏற்படுத்தியுள்ளது

#BiggBossUNSEEN - இன்று இரவு 10:30 மணிக்கு நம்ம #VijayMusic ல.. #BBTamilSeason4 #BiggBossTamil4 #பிக்பாஸ் pic.twitter.com/yxAMRxTEqU

— Vijay Music (@VijayMusicOffl) November 26, 2020