பிக் பாஸ் நிகழ்ச்சியில் நேற்று கமல்ஹாசன் முதல் முறையாக தனது சாட்டையை சுழற்றி போட்டியாளர்களின் தவறுகளை நேருக்கு நேராக சுட்டிக் காட்டினார். குறிப்பாக சனம்ஷெட்டியிடம் பாலாஜி நடந்து கொண்ட விதம் குறித்தும், அது எந்த அளவுக்கு தவறு என்பது குறித்தும், இது வயலன்ஸின் உச்சகட்டம் என்பதையும் அவருக்கு புரிய வைத்தார்.

பாலாஜி தனது டார்கெட் இல்லை என்றும் பாலாஜி தொடர்ச்சியாக செய்துவரும் தவறுகளைச் சுட்டிக் காட்டுவது தனது கடமை என்றும் குறிப்பிட்ட அந்த கமல்ஹாசன், கேப்டன்சி டாஸ்க்கில் அவர் பிடிவாதமாக இருந்ததை தெளிவுபடுத்தும் வகையில் ஒரு குறும்படத்தையும் போட்டுக் காட்டினார்.

ஒவ்வொரு வாரமும் பாலாஜிக்கு அட்வைஸ் என்ற பெயரில் டிப்ஸ் கமல் கொடுத்தாலும், அந்த டிப்ஸ்ஸை பெற்றுக்கொள்ளும் பாலாஜி மீண்டும் அதே தவறுகளை செய்து கொண்டு வருவதுமாக இருந்ததால் இந்த முறை சற்று அதிகமாகவே பாலாஜியை கண்டித்தார் என்பது குறிப்பிடத்தக்கது.

அதேபோல் அர்ச்சனாவின் அன்பு குரூப்பை இதுவரை மிதமாகவே கண்டித்து வந்த பாலாஜி இந்த முறை சற்று கடினமான வார்த்தைகளை பதிவு செய்தார். சனம்ஷெட்டிக்கு நடந்த அநியாயத்தை அர்ச்சனாவின் அன்பு குரூப் மெடிக்கல் லீவு போட்டு வேடிக்கை பார்த்ததாகவும் கமலஹாசன் குத்திக் காட்டியது அர்ச்சனாவுக்கு பெரும் அதிர்ச்சியாக இருந்தது. தான் பாலாஜியிடம் இது குறித்து பேசியதாக அர்ச்சன சமாளித்தாலும் கமல்ஹாசன் அதனை ஏற்றுக் கொள்ளவில்லை என்பது குறிப்பிடத்தக்கது.

அதேபோல் சோம், கேபி ஆகியோர்கள் பேசி வைத்து கொண்டு ஒருவருக்கு ஒருவர் கால்செண்டர் டாஸ்க்கில் விட்டுக்கொடுத்ததை சுட்டிக்காட்டிய கமல், ரமேஷுக்கு விட்டுக்கொடுத்த நிஷாவையும் ஒரு பிடி பிடித்தார்.

மொத்தத்தில் நேற்றைய எபிசோடில் பாலாஜிக்கு குறும்படம் போட்டு அவருடைய தவறை புரிய வைத்தது மட்டுமின்றி அன்பு குரூப்புக்கு ஒரு சிறிய ஆப்பு வைத்துள்ளார். இனிமேலாவது அன்பு குரூப் தனித்தன்மையுடன் விளையாடினால் அவர்களுக்கு நல்லது. மேலும் இதே ரீதியில் நிகழ்ச்சியை கமல்ஹாசன் எடுத்து சென்றால் பிக்பாஸ் நிகழ்ச்சி சுவாரஸ்யத்தின் உச்சக்கட்டத்தை அடையும் என்று எதிர்பார்க்கப்படுகிறது.