பிக்பாஸ் வீட்டில் இருந்து ஒவ்வொரு வாரமும் ஒரு போட்டியாளர் வெளியேறி கொண்டிருக்கும் நிலையில் இந்த வார எவிக்சன் பட்டியலில் கவின், முகின், லாஸ்லியா, ஷெரின் மற்றும் சேரன் ஆகியோர் உள்ளனர்.

இதில் நேற்று முன் தினம் வரை மக்கள் வாக்களித்த வகையில் கவின், லாஸ்லியா மற்றும் முகின் ஆகிய மூவரும் அதிக வாக்குகள் பெற்று தப்பித்துள்ளனர். சேரனும் ஷெரினும் கிட்டத்தட்ட சம அளவில் வாக்குகள் பெற்றிருந்ததால் இருவர் யார் வேண்டுமானாலும் வெளியேற வாய்ப்பு இருந்ததாக கருதப்பட்டது.

இந்த நிலையில் தர்ஷனுடன் ஷெரினை வனிதா இணைத்துப்பேசி பரபரப்பாக்கியதில் ஷெரினுக்கு அனுதாப ஓட்டுக்கள் கொஞ்சம் விழுந்துள்ளதால் நேற்றைய நிலவரப்படி ஷெரின், சேரனைவிட அதிக வாக்குகள் பெற்றிருப்பதாக தெரிகிறது. எனவே இந்த வாரம் சேரன் வெளியேறவே அதிக வாய்ப்புகள் உள்ளது. இருப்பினும் இதுகுறித்த அதிகாபூர்வ செய்தி இன்னும் சிலமணி நேரங்களில் கிடைத்துவிடும் என்று எதிர்பார்க்கப்படுவதால், அதன்பின்னர் இந்த தகவலை மீண்டும் உறுதி செய்வோம்.