பிக்பாஸ் 3: மக்களின் ஆதரவு உண்மையில் யாருக்கு உள்ளது?
- IndiaGlitz, [Sunday,July 07 2019]
பிக்பாஸ் நிகழ்ச்சியை நேற்று கமல்ஹாசன் தொகுத்து வழங்கியபோது நிகழ்ச்சியை கொஞ்சம் கூர்ந்து கவனித்திருந்தால் போட்டியாளர்களில் மக்களின் ஆதரவு யாருக்கு என்பது புரிந்திருக்கும்.
பிக்பாஸ் போட்டியாளர்கள் ஒவ்வொருவரும் ஒருவரை பற்றி கருத்து கூற வேண்டும் என்று கமல் கேட்டுக்கொண்டபோது அனைத்து போட்டியாளர்களும் கருத்து கூற வந்தபோது அமைதியாக இருந்த பார்வையாளர்கள் லாஸ்லியா பெயரை கமல் கூறியவுடன் கரகோஷத்தை எழுப்பினர்.
அதேபோல் பிக்பாஸ் வீட்டில் இருந்து யாரை வெளியேற்ற வேண்டும் என கமல் கேட்டபோது ஒவ்வொருவரும் ஒரு பெயரை டிக் செய்ய வந்தபோது அமைதியாக இருந்த மக்கள் மதுமிதா, கவின் பெயரை டிக் செய்தபோது கரகோஷம் எழுப்பினர். எனவே கவினுக்கு வீட்டிற்குள் செல்வாக்கு அதிகமாக இருந்தாலும் வெளியே அந்த அளவுக்கு செல்வாக்கு இல்லை என்பது தெரிகிறது. அதேபோல் இப்போதைக்கு பிக்பாஸ் போட்டியாளர்களில் மக்களின் ஆதரவு லாஸ்லியா மற்றும் மதுமிதாவுக்கு இருப்பது தெரிகிறது. மதுமிதா கொஞ்சம் ஓவர் ஆக்டிங் செய்தாலும், அராஜ கூட்டணி ஒட்டுமொத்தமாக மதுமிதாவை கார்னர் செய்வதால் அவர் மீது மக்களுக்கு அனுதாபம் ஏற்பட்டுள்ளதாகவும் தெரிகிறது
மேலும் கவின் தனக்கு மக்களின் ஆதரவு இல்லை என்பதை புரிந்து கொண்டது போல் தெரிகிறது. அதனால்தான் வனிதா, 'உனக்கு மக்களின் ஆதரவு அதிகம் இருக்கின்றது' என்று சொன்னபோது அவர் அதனை சிறிதும் நம்பவில்லை. அதேபோல் மதுமிதாவுக்கு மக்கள் ஆதரவு இருப்பதை அறிந்த வனிதா குழுவினர் கடும் கோபத்தில் உள்ளனர். அவர் மீது இன்னும் அதிக டார்ச்சர் கொடுக்க வாய்ப்பு உள்ளது. அதனை மதுமிதா தனி ஆளாக எப்படி எதிர்த்து நிற்க போகிறார் என்பதை பொறுத்திருந்து பார்ப்போம்