பிக்பாஸ் வீட்டில் வனிதா குருப்பில் இருந்த சாக்சியை குறி வைத்துவிட்டார் வனிதா. லாஸ்லியாவுடன் கவின் சாப்பிட்டதை சாக்சி பெரிதுபடுத்தியதை சுட்டிக்காட்டிய வனிதா, எல்லோர் முன்னிலையும் சாக்சிக்கு அறிவுரை கூறுவது போல் அவரை மறைமுகமாக தாக்கியதால் சாக்சி அதிர்ச்சி அடைகிறார். இதில் ஒரு பெரிய கூத்து என்னவெனில் வனிதாவின் இந்த முயற்சிக்கு அவரது எதிரி மதுமிதாவும் ஜால்ரா போடுவதுதான்.

தேவையில்லாமல் தன்னுடைய பெயரை வனிதா இழுப்பதை பார்த்து லாஸ்லியா அதிர்ச்சி அடைந்தாலும் வனிதாவிடம் நேரடியாக மோத முடியாத காரணத்தால் அந்த இடத்தில் இருந்து கோபமாக வெளியேறுகிறார் லாஸ்லியா. அந்த கோபத்தை அதே வேகத்தில் கவின் மீது காட்டும் லாஸ்லியா, இனிமேல் என்னுடன் பேசாதே, எப்பவுமே பேசாதே என மனம் வெறுத்து கூறுவதால் கவின் ஒரு நல்ல நட்பை இழப்பதாகவே தெரிகிறது.

ஏற்கனவே கவினிடம் இருந்து விலகி இருக்கவே லாஸ்லியா முயற்சித்து வந்த நிலையில் இந்த பிரச்சனையால் கவினை அவர் முழுவதுமாக விலக்க ஒரு வாய்ப்பு கிடைத்துள்ளது. இந்த விஷயத்தில் வனிதா, லாஸ்லியாவுக்கு நல்லது செய்திருக்கின்றார் என்றே தோன்றுகிறது. இருப்பினும் வனிதா-லாஸ்லியா நேரடி மோதல் கூடிய விரைவில் வர வாய்ப்பு இருப்பதால் அந்த தருணத்தை பிக்பாஸ் போட்டியாளர்கள் மட்டுமின்றி பார்வையாளர்களும் ஆர்வத்துடன் எதிர்பார்த்து காத்திருக்கின்றனர்.
 

#Day18 #Promo1 #பிக்பாஸ் இல்லத்தில் இன்று.. #BiggBossTamil - தினமும் இரவு 9:30 மணிக்கு உங்கள் விஜயில்.. #BiggBossTamil3 #VijayTelevision pic.twitter.com/cktwTxW8BQ

— Vijay Television (@vijaytelevision) July 11, 2019