பிக்பாஸ் வீட்டின் ரெளடி சூப்பர் ஸ்டார் வனிதா வீட்டை விட்டு வெளியே போக வேண்டும் என ஒவ்வொரு போட்டியாளரும், ஒவ்வொரு பார்வையாளர்களும் விரும்பும் நிலையில் மக்களின் வாக்குகள் உண்மையாக எண்ணப்பட்டால் நிச்சயம் அவர் வரும் ஞாயிறு அன்று வெளியே போக அதிக வாய்ப்பு உண்டு.

ஆனால் பிக்பாஸ் 2 நிகழ்ச்சியில் யாஷிகா, ஐஸ்வர்யாவை பிக்பாஸ் காப்பாற்றி கடைசி வரை கொண்டு போனது போல் வனிதாவையும் மீராவை இன்னும் கொஞ்ச நாள் பிக்பாஸ் காப்பாற்றுவார் என்றே தோன்றுகிறது. அதற்கு அறிகுறியாக இன்று வனிதாவுக்கு கொலைகாரி என்ற டாஸ்க் கொடுக்கப்பட்டுள்ளது. இந்த டாஸ்க்கில் அவர் சாக்சியின் மேக்கப்பை அவரே கலைக்கும்படி செய்ய வேண்டும்.

வனிதா கிணற்றில் குதி என்றால் கூட கண்ணை மூடிக்கொண்டு குதிக்க தயாராக இருக்கும் சாக்சிக்கு மேக்கப்பை கலைப்பது என்பது ஒரு பெரிய விஷயமாக இருக்காது. எனவே இந்த டாஸ்க்கில் வெற்றி பெற்றதை காரணம் காட்டி வனிதாவை பிக்பாஸ் காப்பாற்றிவிடுவாரோ? என்ற ஐயம் தற்போது பார்வையாளர்களுக்கு ஏற்பட்டுள்ளது. ஒருவேளை அப்படி மட்டும் நடந்தது என்றால் ஓட்டு போட்ட கோடிக்கணக்கான பார்வையாளர்கள் முட்டாளாகிவிடுவார்கள் என்பது மட்டும் உண்மை.
 

#பிக்பாஸ் இல்லத்தில் இன்று.. #Day16 #Promo1 #BiggBossTamil - தினமும் இரவு 9:30 மணிக்கு உங்கள் விஜயில்.. #BiggBossTamil3 #VijayTelevision pic.twitter.com/iXQ1FzV3d9

— Vijay Television (@vijaytelevision) July 9, 2019