பிக் பாஸ் நிகழ்ச்சியில் ஆரம்பத்திலிருந்தே டைட்டிலை வெல்வார் என்ற எதிர்பார்க்கப்பட்டவர்களில் ஒருவர் தர்ஷன். அவருடைய நேர்மையான விளையாட்டு, கேமில் இருந்த ஈடுபாடு, டாஸ்குகளுக்காக அவர் எடுத்த ரிஸ்க், நேர்மையாகவும் தைரியமாகவும் மனதில் தோன்றியதை கூறியது, தவறை யாராக இருந்தாலும் சுட்டிக்காட்டுவது ஆகியவை அவரது நற்பண்புகளாக இருந்தது. இதனால் தர்ஷன் நிச்சயம் டைட்டிலை வெல்வார் என பார்வையாளர்கள் பெரும்பாலும் எதிர்பார்த்தனர்.

ஆனால் பிக்பாஸ் நிகழ்ச்சியில் எதிர்பாராததை எதிர்பாருங்கள் என்று ஆரம்பத்தில் இருந்து கமல் கூறி வருவது போலவே இந்த வாரம் யாரும் எதிர்பாராத தர்ஷன் வெளியேற்றப்பட்டதாக செய்திகள் வெளிவந்துள்ளது. இது பார்வையாளர்களுக்கு மட்டுமின்றி சக போட்டியாளர்களுக்கும் அதிர்ச்சியாக உள்ளது.

இந்த அதிர்ச்சியை பிக்பாஸ் ரசிகர்களால் ஜீரணித்துக் கொள்ளவே முடியவில்லை. இருப்பினும் தர்ஷன் பிக் பாஸ் வீட்டை விட்டு வெளியேறினாலும் ரசிகர்களின் மனதில் நீங்கா இடம் பெற்று விட்டார் என்பது குறிப்பிடத்தக்கது.