பிக்பாஸ் வீட்டில் இருந்து மதுமிதாவை வெளியேற்ற கமல்ஹாசன் முன்னிலையில் எட்டு பேர் ஓட்டு போட்ட நிலையில் மக்கள் மதுமிதாவை காப்பாற்றிவிட்டதால் ஓட்டு போட்ட எட்டு பேர்களும் அதிர்ச்சி அடைந்தனர்.

பிக்பாஸ் நிகழ்ச்சியில் நேற்று வீட்டை விட்டு யார் வெளியேறினால் நன்றாக இருக்கும் என கருதுகிறீர்கள் என்று கமல்ஹாசன் கேட்க, வனிதா, ரேஷ்மா, மோகன் வைத்யா, ஷெரின், சாக்சி, சாண்டி, கவின், மீராமிதுன் ஆகிய எட்டு பேர்கள் மதுமிதாவை குறிப்பிட்டனர். முகின், அபிராமி, தர்ஷன், சேரன், லாஸ்லியா ஆகிய நால்வரும் மீராமிதுனையும், மதுமிதா கவினையும் வெளியேற்ற பரிந்துரை செய்தனர். சரவணன், பாத்திமா பாபு ஆகியோர் தங்களையே குறிப்பிட்டு கொண்டனர்.

இந்த ஓட்டெடுப்பு முடிந்தவுடன் எவிக்சன் பட்டியலில் உள்ள ஏழு பேர்களில் மதுமிதா காப்பாற்றப்பட்டார் என்று கமல் அறிவித்தவுடன் மதுமிதாவுக்கு எதிரான ஓட்டு போட்ட எட்டு பேர்களும் அதிர்ச்சி அடைந்தனர். அதுமட்டுமின்றி மதுமிதா காப்பாற்றப்பட்டார் என்று கூறியபோதும், கவினை மதுமிதா தேர்வு செய்தபோது மக்களிடம் இருந்து எழுந்த கைதட்டலும் அந்த எட்டு பேர்களை அதிகமாகவே யோசிக்க வைத்தது.

பிக்பாஸ் வீட்டில் உள்ள அனைவரையும் டார்ச்சர் செய்யும் மீராமிதுன், யாரையும் பேச விடாமல் டாமினேட் செய்யும் வனிதா, நரித்தன வேலைகள் செய்யும் அபிராமி, சாக்சி, ரேஷ்மா ஆகியோர்கள் 'தமிழ்ப்பொண்ணு' என்று கூறிய ஒரே காரணத்தால் மதுமிதாவை கார்னர் செய்ததை மக்கள் பார்த்து கொண்டுதான் இருக்கின்றனர். மக்களின் அமோக ஆதரவு மதுமிதாவுக்கு அதிகம் இருப்பதால் அவர் இப்போதைக்கு வெளியே செல்ல வாய்ப்பு இல்லை என்றே தோன்றுகிறது.