ஆரம்பத்தில் நான்கு பெண்களிடம் சகஜமாக பழகி வந்த கவின், சாக்சி மற்றும் லாஸ்லியா ஆகிய இருவரிடமும் கொஞ்சம் நெருக்கமாக பழகி வந்தார். இதனிடையே சாக்சி, லாஸ்லியா இருவரில் யாரை காதலியாக தேர்வு செய்வது என்ற குழப்பம் கவினுக்கு இருந்திருக்கலாம். இந்த நிலையில் சாக்சி, கவினை எரிச்சலடையும் வகையில் நடந்து கொள்ள, கவின் மனம் மெல்ல மெல்ல லாஸ்லியா பக்கம் திரும்பியது

லாஸ்லியாவும் முதலில் கவினுடன் நட்புடன் பழகி வந்த நிலையில் தற்போது 'கவினை முன்பு எனக்கு பிடிக்கும், இப்போது ரொம்ப பிடிக்கும் என கூறி தனது காதலை மறைமுகமாக தெரிவித்துள்ளார். சேரனிடமும் இருவரும் தங்களது நிலையை கிட்டத்தட்ட மனம்விட்டு பேசிவிட்டனர்.

இந்த நிலையில் இன்றைய மூன்றாவது புரமோவில் கவினை லாஸ்லியா கொஞ்சம் மரியாதையாக பேசுகிறார். 'உங்களுக்கு' நீங்க' போன்ற வார்த்தைகள் அதிகம் அவரிடம் இருந்து வெளிப்படுகிறது. அதேபோல் கடந்த சில நாட்களாகவே லாஸ்லியாவை கவின் 'மச்சான்' என கூப்பிடுவதை நிறுத்திவிட்டார். இருவரின் பேச்சில் மாற்றம் ஏற்பட்டுள்ள நிலையில் இருவரது உறவு பிக்பாஸ் நிகழ்ச்சியையும் தாண்டி நீடிக்க வேண்டும் என்பதே பலரது விருப்பமாக உள்ளது.

#Day61 #Promo3 #பிக்பாஸ் இல்லத்தில் இன்று.. #BiggBossTamil - தினமும் இரவு 9:30 மணிக்கு உங்கள் விஜயில்.. #BiggBossTamil3 #VijayTelevision pic.twitter.com/UbMS8k0T4o

— Vijay Television (@vijaytelevision) August 23, 2019