சாக்சியுடன் காதல் பிரேக் அப், லாஸ்லியாவுடன் புதுக்காதல் என கவினின் காதல் இரட்டை வேடம் குறித்து பிக்பாஸ் நிகழ்ச்சியின் சக போட்டியாளர்களே கவினை நேருக்கு நேர் எதிர்க்க ஆரம்பித்துவிட்டனர். பிக்பாஸ் வீட்டின் ஒட்டு மொத்த போட்டியாளர்களும் கவினுக்கு எதிராக திரும்பியதால் மனமுடைந்த கவின் வீட்டில் இருந்து வெளியே செல்லும் முடிவை எடுத்துள்ளார்.

சமாதானம் செய்ய வந்த சாக்சியை தவிர்த்த கவின், 'என்னை ரெண்டு பேரும் வேற மாதிரி பார்க்க ஆரம்பித்துவிட்டனர். நான் மேலும் இந்த வீட்டில் இருந்தால் பிரச்சனைகள் தொடரத்தான் செய்யும். அதனால் எல்லோரும் என்னை நாமினேட் செய்துவிடுங்கள். நான் இந்த வீட்டை விட்டு போய்விடுகிறேன். நாமினேட் செய்ய என்ன செய்ய வேண்டும் என்று கூறினால் அதையும் செய்ய தயாராக இருக்கின்றேன்' என்று கவின் அனைவர் முன்னிலையில் ஓப்பனாக கூறுகிறார். இந்த புரமோவின் பின்னணியில் 'போகாதே போகாதே' பாடல் ஒலிக்கின்றது என்பது குறிப்பிடத்தக்கது

பிக்பாஸ் நிகழ்ச்சியில் ஆரம்பத்தில் கவின் ஜாலியாக இருந்ததால் அவரை எல்லோருக்கும் பிடித்தது. இந்த சீசனின் சாம்பியன் ஆகவும் அவருக்கு வாய்ப்பு இருப்பதாக கருதப்பட்டது. மேலும் பிக்பாஸ் வீட்டை விட்டு வெளியே சென்றதும், இதனால் கிடைத்த புகழ் அவருக்கு பெருமளவு பயன்படும் என்றும் கூறப்பட்டது. ஆனால் ஒரே வாரத்தில் நிலைமை தலைகீழாகிவிட்டது. பிக்பாஸ் போட்டியாளர்கள் ஒட்டுமொத்தமாக வெறுக்கும் ஒரு போட்டியாளராக கவின் மாறியதற்கு அவரது காதல் நாடகமே காரணமாக இருந்தது என்பது குறிப்பிடத்தக்கது
 

#Day39 #Promo3 #பிக்பாஸ் இல்லத்தில் இன்று.. #BiggBossTamil - தினமும் இரவு 9:30 மணிக்கு உங்கள் விஜயில்.. #BiggBossTamil3 #VijayTelevision pic.twitter.com/sgsOCttWKF

— Vijay Television (@vijaytelevision) August 1, 2019