பிக்பாஸ் நிகழ்ச்சி இறுதிக்கட்டத்தை நெருங்கி வரும் நிலையில் போட்டியாளர்களின் தியாக மனப்பான்மை கொஞ்சம் கொஞ்சமாக குறைந்து வெற்றியை நோக்கிய பயணம் கொஞ்சம் தீவிரமாகியுள்ளது. குறிப்பாக நாம் ஏதாவது வித்தியாசமாக செய்து வெற்றி அடைவதை விட வெற்றி பெறும் நிலையில் உள்ளவர்களை கவிழ்த்துவிட்டால் போதும் நாம் முன்னேறி வந்துவிடலாம் என்ற எண்ணம் ஒருசில போட்டியாளர்களுக்கு வந்துள்ளது.

அந்த வகையில் பிக்பாஸ் டைட்டிலை வெல்வார் என்று எதிர்பார்க்கப்படும் தர்ஷன், ஷெரின், லாஸ்லியா ஆகியோர் மீது வன்மங்கள் வீசப்படுகிறது. தர்ஷன், ஷெரின் ஆகிய இருவருக்கும் இடையே ஏதோ இருப்பதாக வதந்தியை இட்டுக்கட்டி இருவரையும் டேமேஜ் ஆக்குவது, லாஸ்லியாவுக்கு பச்சோந்தி விருது கொடுத்து அவரை மக்கள் மத்தியில் மோசமானவராக காட்ட முயற்சிப்பது ஆகிய உள்ளடி வேலைகள் நடந்து வருகிறது.

இந்த நிலையில் இன்றைய முதல் புரமோவில் கமல்ஹாசன், ‘வெற்றி முக்கியம் தான், எப்படியாவது வெற்றி என்பது ஒரு முறை. இப்படித்தான் வெல்வேன் என்ற லட்சியத்தோடு இருப்பவர்களும் இருக்கத்தான் செய்கிறார்கள். அதில் இரண்டாவதுதான் சிறந்தது என்பதை எடுத்து சொல்லும் நேரம் இது’ என்று கூறுகிறார். வெற்றிக்காக குறுக்கு வழியை கடைபிடிப்பவர்களுக்கு மறைமுக எச்சரிக்கை விடுத்திருக்கும் கமல்ஹாசன் இன்றைய நிகழ்ச்சியில் போட்டியாளர்களிடையே அதனை நேரடியாக கூறுவார் என எதிர்பார்க்கப்படுகிறது.
 

#Day76 #Promo1 #பிக்பாஸ் இல் இன்று.. #BiggBossTamil - தினமும் இரவு 9:30 மணிக்கு உங்கள் விஜயில்.. #BiggBossTamil3 #KamalHaasan #VijayTelevision pic.twitter.com/JlztKMMK3q

— Vijay Television (@vijaytelevision) September 7, 2019