பிக்பாஸ் தமிழ் எத்தனை நாள்? அதிகாரபூர்வ அறிவிப்பால் ரசிகர்கள் மகிழ்ச்சி!
- IndiaGlitz, [Saturday,October 03 2020]
உலகநாயகன் கமலஹாசன் தொகுத்து வழங்கும் பிக்பாஸ் நிகழ்ச்சி நாளை பிரமாண்டமாக தொடங்க உள்ளது என்பதும் இந்த நிகழ்ச்சிக்காக லட்சக்கணக்கானோர் பெரும் எதிர்பார்ப்புடன் காத்திருக்கின்றனர் என்பதும் தெரிந்ததே.
இந்த நிலையில் பிக்பாஸ் நிகழ்ச்சி கொரோனா வைரஸ் பாதிப்பு காரணமாக வெறும் 80 நாட்கள் மட்டுமே நடைபெறும் என்றும் செய்திகள் வெளியானது. ஆனால் தற்போது வெளிவந்துள்ள அதிகாரபூர்வ தகவலின்படி இந்த நிகழ்ச்சி 105 நாட்கள் நடப்பது உறுதி செய்யப்பட்டுள்ளது..
இதுகுறித்து ஹாட்ஸ்டாரின் டுவிட்டர் தளத்தில் பதிவு செய்யப்பட்டுள்ள ஒரு டுவிட்டில் ‘இதற்குத்தானே ஆசைப்பட்டாய் பிக்பாஸ் ரசிகா’ என குறிப்பிட்டு ராசி-பலன்கள் போன்ற ஒரு பதிவில் 105 நாட்கள் இந்த நிகழ்ச்சி நடைபெறும் என குறிப்பிடப்பட்டுள்ளது. எனவே பிக்பாஸ் தமிழ் நிகழ்ச்சி 105 நாட்கள் நடப்பது தற்போது உறுதி செய்யப்பட்டுள்ளது.
பிக்பாஸ் நிகழ்ச்சியில் ஏற்கனவே ஒரு சில முன்னணி நடிகைகள் கலந்து கொள்ள இருந்து கடைசி நேரத்தில் திடீரென பின்வாங்கி விட்டாலும் இருக்கும் போட்டியாளர்களை வைத்து நிகழ்ச்சியை சுவராசியமாக நடத்த பிக்பாஸ் நிர்வாகம் திட்டமிட்டுள்ளது என்பது குறிப்பிடத்தக்கது.
?? இது BIGG BOSS! ?? October 4 மாலை 6 மணிக்கு #BiggBossTamil Season 4 இன் #GrandLaunch ?? #VijayTelevision pic.twitter.com/cfTu716f0W
— Vijay Television (@vijaytelevision) September 28, 2020