பிக்பாஸ் நிகழ்ச்சியின் முதல் மற்றும் இரண்டாம் பாகங்கள் ரசிகர்களிடையே நல்ல வரவேற்பை பெற்றது மட்டுமின்றி அதில் கலந்து கொண்ட ஓவியா, ஹரிஷ் கல்யாண், ஆரவ், உள்பட சில போட்டியாளர்கள் திரையுலகில் வாய்ப்புகளை பெற்று முன்னணி இடத்தை நோக்கி சென்று கொண்டிருக்கின்றனர்.

இந்த நிலையில் அனைவரும் எதிர்பார்த்த இந்த நிகழ்ச்சியின் மூன்றாம் பாகம் நாளை முதல் ஒளிபரப்பாக உள்ளது. இந்த நிகழ்ச்சியில் மதுமிதா, பாத்திமா பாபு மற்றும் மோகன் வைத்யா ஆகியோர் கலந்து கொள்ளவிருப்பதாக வெளிவந்த செய்தியினை ஏற்கனவே பார்த்தோம். சற்றுமுன் இந்த நிகழ்ச்சியில் கலந்து கொள்ளும் மற்ற போட்டியாளர்கள் குறித்த தகவல்கள் வெளிவந்துள்ளது

இதன்படி 'காலா' நடிகை சாக்சி அகர்வால், மலேசிய நடிகர் மற்றும் இசையமைப்பாளர் முகன் ராவ், 'பருத்திவீரன்' சரவணன், பவர்ஸ்டார் சீனிவாசன், இயக்குனர் சேரன், 'நேர் கொண்ட பார்வை' நடிகை அபிராமி, டான்ஸ் மாஸ்டர் சாண்டி, 'விசில்' பட நாயகி ஷெரின், வனிதா விஜயகுமார், சாந்தினி தமிழரசன், கவின், தர்ஷன் ஆகியோர் இந்த நிகழ்ச்சியில் கலந்து கொள்ளவிருப்பதாக தெரிகிறது

60 கேமிராக்கள், அலங்காரமான செட், வண்ணமயமான விளக்குகள் அமைந்த சுற்றுச்சூழலில் 15 போட்டியாளர்கள் தினமும், சனி, ஞாயிறுகளில் கமல்ஹாசனும் ரசிகர்களை மகிழ்விக்க காத்திருக்கின்றனர். இந்த நிகழ்ச்சியின் ஒவ்வொரு நாளும் நடந்த நிகழ்வுகள் குறித்த விமர்சனங்களை உடனுக்குடன் பார்ப்போம்