பிக்பாஸ் வீட்டில் இந்த வாரம் இடுப்பு பிரச்சனை உட்பட பல பிரச்சினைகள் தோன்றி இருக்கும் நிலையில் அந்தப் பிரச்சினைகளை கமல்ஹாசன் இன்று தீர்த்து வைப்பார் என எதிர்பார்க்கப்படுகிறது. குறிப்பாக இன்று மீராமிதுனுக்கு ஒரு குறும்படம் இருக்கும் என்று கூறப்படுகிறது

இந்த நிலையில் இன்றைய புரமோ வீடியோவில் கமல்ஹாசன் கூறியதாவது: தீராத பிரச்சனை எல்லாம் தீர்த்து வைக்கும் இடம் கிராம சபை என்ற நம்பிக்கை உள்ளவன் நான். ஆனால் நம்ம கிராமத்தில் என்ன செய்தார்கள் என்று பார்த்தீர்கள்தானே. நம்ம நாட்டாமையே போட்டு தள்ளி விட்டார்கள். ஆனால் நம்ம சும்மா இருப்போமா, நம்ம பிராது கொடுப்போம் இல்ல.. இன்னைக்கு ராத்திரி பாருங்க என்று கமல்ஹாசன் நடிப்பில் ஒரு புரமோ வீடியோ வெளியாகி இருக்கிறது.

மேலும் இன்றைய நிகழ்ச்சியில் கமல்ஹாசன் முதல்முறையாக போட்டியாளர்கள் சிலரை கடுமையாக பேசியதாகவும், குறிப்பாக மீராமிதுனை வறுத்தெடுத்துள்ளதாகவும் நம்பத்தகுந்த வட்டாரங்கள் கூறுகின்றன. ஒட்டுமொத்த பார்வையாளர்களின் வெறுப்பை சம்பாதித்தவர்ளான ஜூலி உள்பட ஒருசிலரிடம் கமல்ஹாசன் அமைதியாகவே பேசினார். ஆனால் இன்று அவருடைய விஸ்வரூபத்தை பார்த்து போட்டியாளர்கள் மட்டுமின்றி பார்வையாளர்களும் கடும் அதிர்ச்சி அடைந்ததாக கூறப்படுகிறது. எனவே இன்றைய நிகழ்ச்சி இதுவரை இல்லாத வகையில் சுவாரஸ்யமாக இருக்கும் என கருதப்படுகிறது
 

பிராது..! ???? #Day34 #Promo1 #பிக்பாஸ் - தினமும் இரவு 9:30 மணிக்கு உங்கள் விஜயில்.. #BiggBossTamil #BiggBossTamil3 #KamalHaasan #VijayTelevision pic.twitter.com/PfUzLi7AJN

— Vijay Television (@vijaytelevision) July 27, 2019