பிக்பாஸ் தமிழ் சீசன் 7: முதல் வாரமே வெளியேறும் போட்டியாளர் இவர்தான்..!
- IndiaGlitz, [Saturday,October 07 2023]
பிக் பாஸ் நிகழ்ச்சியில் முதல் வாரமே ஏழு போட்டியாளர்கள் நாமினேஷன் செய்யப்பட்டிருந்தனர் என்பதும் அவர்களின் மூன்று போட்டியாளர்கள் மிகவும் குறைவான வாக்குகள் பெற்றிருந்ததால் அவர்களின் ஒருவர் வெளியேற அதிக வாய்ப்பு இருந்ததாகவும் நேற்று பார்த்தோம்.
இந்த நிலையில் இந்த வாரம் வெளியேறும் போட்டியாளர் குறித்த தகவல் தற்போது கசிந்து உள்ளது. பிக் பாஸ் நிகழ்ச்சியின் முதல் வாரமே ரவீனா, ஐஷு, பிரதீப் அந்தோணி, ஜோவிகா, பவா செல்லத்துரை, யுகேந்திரா மற்றும் அனன்யா ஆகிய ஏழு போட்டியாளர்கள் நாமினேஷன் செய்யப்பட்டிருந்தனர்.
இதில் ரவீனா சுமார் 26 சதவீத வாக்குகளை பெற்று பிக்பாஸ் வீட்டில் தனது இருப்பை தக்கவைத்துக் கொண்டார். பவா செல்லத்துரை, யுகேந்திரன் மற்றும் அனன்யா ராவ் ஆகிய மூவரும் மிகவும் குறைவான வாக்குகளை பெற்றிருந்த நிலையில் அதிலும் குறிப்பாக அனன்யா இந்த மூவரில் மிகவும் குறைவான வாக்குகளை பெற்றிருந்த நிலையில் அவர்தான் எலிமினேஷன் செய்யப்படுவார் என்று எதிர்பார்க்கப்பட்டது.
எதிர்பார்த்தபடியே அவர் இன்று பிக்பாஸ் வீட்டில் இருந்து எலிமினேஷன் செய்யப்பட்டுள்ளதாக தகவல் வெளியாகி உள்ளன முதல் ஏழு நாட்கள் என்பது ஒரு போட்டியாளரை மதிப்பிட முடியாது என்பதால் முதல் வாரம் எலிமினேஷன் இல்லாமல் இருந்திருக்கலாம் என்று ரசிகர்கள் இந்த வார எலிமினேஷன் குறித்து கருத்து தெரிவித்து வருகின்றனர்.