பிக்பாஸ் தமிழ் சீசன் 6, அதிகாரபூர்வ அறிவிப்பு: தொகுத்து வழங்குபவர் இவர் தான்!
- IndiaGlitz, [Monday,September 05 2022]
விஜய் டிவியில் ஒளிபரப்பாகி வரும் நிகழ்ச்சிகளில் ஒன்று பிக்பாஸ் என்பதும் இந்த நிகழ்ச்சி கடந்த ஐந்து சீசன்களாக மிகப்பெரிய வரவேற்பை பெற்றது என்பதும் தெரிந்ததே.
இந்த நிலையில் கடந்த 5 சீசன்களாக கமலஹாசன் இந்த நிகழ்ச்சியை தொகுத்து வழங்கி வந்தார் என்பதும் அவரால் தான் இந்த நிகழ்ச்சி மிகப்பெரிய வெற்றி பெற்றது என்பது குறிப்பிடத்தக்கது.
இந்த நிலையில் பிக் பாஸ் சீசன் 6 நிகழ்ச்சி விரைவில் ஆரம்பிக்க இருப்பதாக தகவல் வெளியானது என்பதும் இந்த நிகழ்ச்சிக்கான போட்டியாளர்கள் தேர்வும் நடைபெற்று வருவதாகவும் கூறப்பட்டது. ஆனால் அதே நேரத்தில் பிக்பாஸ் 6 நிகழ்ச்சியை தொகுத்து வழங்குவது கமல்ஹாசனா? அல்லது சிம்புவா? என்ற கேள்வியும் எழுந்தது என்பது குறிப்பிடத்தக்கது.
இந்த நிலையில் சற்று முன் விஜய் டிவி தனது சமூக வலைத்தளத்தில் வெளியிட்டுள்ள வீடியோவில் பிக்பாஸ் சீசன் 6 குறித்த அதிகாரப்பூர்வ அறிவிப்பை வெளியிட்டுள்ளது. மேலும் இதில் கமல்ஹாசன் தோன்றி ’வேட்டைக்கு ரெடியா’ என்று கூறியுள்ளதை அடுத்து அவர் தான் பிக் பாஸ் சீசன் 6 நிகழ்ச்சியையும் தொகுத்து வழங்க இருக்கிறார் என்பது உறுதி செய்யப்பட்டு உள்ளது.
விரைவில் இந்த நிகழ்ச்சியின் போட்டியாளர்கள் குறித்த தகவல் வெளியாகும் என்று எதிர்பார்க்கப்படுகிறது.
வேட்டைக்கு ரெடியா.. ?? #BiggBossTamil6 விரைவில்.. @ikamalhaasan @preethiIndia @NipponIndia pic.twitter.com/3pme4NwfSQ
— Vijay Television (@vijaytelevision) September 5, 2022