பிக்பாஸ் வீட்டில் எது நடக்கின்றதோ இல்லையோ, தினமும் சண்டை மட்டும் தவறாமல் நடக்கின்றது. அதில் எந்த சண்டையாக இருந்தாலும் ஐஸ்வர்யா அதில் இடம்பெற்றிருப்பார் என்பதும் குறிப்பிடத்தக்கது

தன் மனதில் ஓவியா என்ற நினைப்பில் செயல்பட்டு வரும் ஐஸ்வர்யாவை பார்வையாளர்கள் அதிகளவு வெறுத்தாலும் பிக்பாஸ் மீண்டும் மீண்டும் அவரை காப்பாற்றி வருகிறார். கடந்த வாரத்திற்கு முந்தைய வாரம் ஐஸ்வர்யாவுக்கு குறைவான வாக்குகள் கிடைத்தபோதிலும் பிக்பாஸ் நித்யாவை வெளியேற்றும் முடிவினை எடுத்தார். இதனால் பார்வையாளர்கள் அதிருப்தி அடைந்தனர்.

இந்த நிலையில் நேற்று இந்த வாரத்திற்கான எவிக்சன் பட்டியல் தயாரானது. அதில் ஐஸ்வர்யா இடம்பெற்றிருந்தார். சரி, இந்த வாரமாவது ஐஸ்வர்யாவை வெளியேற்றலாம் என பார்வையாளர்கள் மகிழ்ச்சியுடன் இருந்தபோது, ஐஸ்வர்யாவுக்கு ஒரு புதிய சக்தியை கொடுத்து, அந்த சக்தியின் மூலம் யாரையாவது எவிக்சன் பட்டியலில் இருந்து சேவ் செய்து கொள்ளலாம் என்று கூறினார். ஐஸ்வர்யா புத்திசாலித்தனமாக தன்னை சேவ் செய்து கொண்டார். எனவே இந்த வாரமும் ஐஸ்வர்யா வெளியேற வாய்ப்பு இல்லாமல் போய்விட்டது.

இந்த நிலையில் இந்த வார எவிக்சன் பட்டியலில் மகத், மும்தாஜ், பொன்னம்பலம், வைஷ்ணவி மற்றும் யாசிகா ஆகியோர் உள்ளனர். நேற்று வைஷ்ணவி நடந்து கொண்ட விதத்தை பார்க்கும்போது அவரை பிக்பாஸ் இந்த வாரம் வெளியேற்றுவார் என்று எதிர்பார்க்கப்படுகிறது.