பிக்பாஸ் சீசன் 3 போட்டியாளர்களில் ஒருவரான நடிகர் சரவணன் தமிழக முதல்வர் எடப்பாடி பழனிசாமி அவர்களை சந்தித்து வாழ்த்து பெற்ற புகைப்படங்கள் இணையதளங்களில் வைரலாகி வருகிறது.

சமீபத்தில் தமிழ் திரைப்பட தயாரிப்பாளர்கள் சங்க தேர்தல் நடந்தது என்பது அனைவரும் அறிந்ததே. இந்த தேர்தலில் தலைவராக தேனாண்டாள் பிலிம்ஸ் முரளி ராமசாமி தேர்வு செய்யப்பட்டார். இந்த தேர்தலில் செயற்குழு உறுப்பினர் பதவிக்கு போட்டியிட்டு வெற்றி பெற்றவர்களில் ஒருவர் நடிகர் சரவணன் என்பது குறிப்பிடதக்கது.

தயாரிப்பாளர் சங்க தேர்தலில் செயற்குழு உறுப்பினராக வெற்றி பெற்றதை அடுத்து தமிழக முதல்வரை சந்தித்து வாழ்த்து பெற விரும்பினார். இதையடுத்து அவருக்கு அனுமதி கிடைத்ததை அடுத்து தற்போது அவர் தமிழக முதல்வரை சந்தித்து வாழ்த்து பெற்றார். தமிழக முதல்வரும் பிக்பாஸ் நடிகர் சரவணனும் சேலம் மாவட்டத்தை சேர்ந்தவர்கள் என்பது குறிப்பிடத்தக்கது.

இந்த நிலையில் பிக்பாஸ் நிகழ்ச்சிக்கு பின்னர் ஒரு சில திரைப்படங்களில் நடித்து வந்த சரவணன் தற்போது 3 படங்களில் நடித்து வருகிறார் என்றும் அதில் ஒரு படத்தில் பிக்பாஸ் நிகழ்ச்சியில் தன்னுடன் கலந்துகொண்ட சாண்டி மற்றும் ரேஷ்மா ஆகியோர் நடித்து வருகின்றனர் என்பது குறிப்பிடத்தக்கது.