பிக்பாஸ் நிகழ்ச்சியில் கலந்து கொண்ட போட்டியாளர்களில் ஒருவரான நடிகை சனம் ஷெட்டி கூறிய திடுக்கிடும் புகாருக்கு விமான நிலைய அதிகாரி விளக்கம் அளித்துள்ளார்.

பிக்பாஸ் சனம்ஷெட்டி தனது சமூகவலைதளத்தில், ‘நான் கோவையில் இருந்து சென்னை செல்வதற்காக விமான நிலையத்திற்கு வந்திருந்த போது தன்னுடைய மற்றும் ஒரு சில பயணிகளை மட்டும் குறிப்பிட்டு அதிகாரிகள் சோதனை செய்ததாக தெரிவித்துள்ளார்.

விமான நிலையத்தில் விமானத்தில் ஏறும்முன் பெண் அதிகாரி ஒருவர் எனது கைப்பை மற்றும் ஒரு குறிப்பிட்ட மதத்தை சேர்ந்தவரின் இரண்டு பேர்களின் பைகளை மட்டும் சோதனை செய்தார் என்றும் இது குறித்து அந்த அதிகாரியிடம் விளக்கம் கேட்டபோது குடியரசு தின விழாவை முன்னிட்டு சோதனை செய்யப்படுகிறது என்று கூறியதாகவும் தெரிவித்துள்ளார்.

சோதனை நடத்த இடத்தில் எந்த விதமான பாதுகாப்பு கருவியும் இல்லை என்றும் வெறும் கண்களால் ஒரு நபரை பார்த்து சந்தேகத்தின் அடிப்படையில் சோதனை செய்தது மிகுந்த மன வருத்தத்தை தருகிறது என்றும் குறிப்பாக 190 பேர் பயணம் செய்யும் விமானத்தில் ஒரு சிலரை மட்டும் உடைகளை வைத்து மதத்தை வைத்து சோதனை செய்வது தவறாக எனக்கு பட்டது என்றும் அந்த வீடியோவில் சனம் ஷெட்டி கூறியுள்ளார்.

குடியரசு தின விழாவை முன்னிட்டு சோதனை செய்வது என்பது நல்ல அணுகுமுறை தான் என்றாலும் ஒரு சிலரை மட்டும் சோதனை செய்வது ஏன் என்பதை தன்னுடைய கேள்வி என்றும் மற்றவர்கள் விமானத்தில் ஆபத்தான பொருளை கொண்டு செல்ல வாய்ப்பே இல்லையா என்றும் அவர் கேள்வி எழுப்பியுள்ளார்.

இந்த நிலையில் நடிகை சனம் ஷெட்டியின் குற்றச்சாட்டு குறித்து விமான நிலையத்தின் இயக்குனர் செந்தில் வளவன் அவர்கள் கூறுகையில் ’நாடு முழுவதும் குடியரசு தின விழாவை முன்னிட்டு எச்சரிக்கை நடவடிக்கையாக சோதனை செய்ய அறிவுறுத்தப்பட்டுள்ளது என்றும் நடிகை சனம் செட்டி கூறுவது போல் ஒரு குறிப்பிட்ட நபர்களை தேர்வு செய்து சோதனை செய்யப்படவில்லை என்றும் இருப்பினும் அவரது புகார் குறித்து விசாரிக்க உத்தரவிடப்பட்டுள்ளதாகவும் தெரிவித்தார்.
 

View this post on Instagram

A post shared by Sanam Shetty (@sam.sanam.shetty)