தொலைக்காட்சி சீரியல் நடிகை மற்றும் பிக் பாஸ் போட்டியாளர் ரக்சிதா மகாலட்சுமி, 60 வயது அரசியல்வாதிக்கு ஜோடியாக நடித்த திரைப்படம் இன்று வெளியாகிறது.

நடிகை ரக்சிதா மகாலட்சுமி பல சீரியல்கள் நடித்துள்ளார் என்பதும் குறிப்பாக ’பிரிவோம் சந்திப்போம்’ ’இளவரசி’ ’சரவணன் மீனாட்சி’ ’நாச்சியார்புரம் உள்ளிட்ட சீரியல்களில் அவரது கேரக்டர் மக்கள் மனதில் பதியும் வகையில் இருந்தது என்பது குறிப்பிடத்தக்கது. அது மட்டும் இன்றி ஒரு சில திரைப்படங்களிலும் ரக்சிதா நடித்துள்ளார், தற்போது கூட மூன்று தமிழ் படங்களில் அவர் நடித்து வருகிறார்.

இந்த நிலையில் பிக்பாஸ் நிகழ்ச்சியில் கலந்து கொண்ட பின்னர் ரக்சிதா மகாலட்சுமிக்கு பல திரைப்பட வாய்ப்புகள் கிடைத்து வரும் நிலையில் அண்டை மாநிலமான கர்நாடகாவிலும் கன்னட படம் ஒன்றில் அவர் கடந்த சில மாதங்களாக நடித்து வந்தார். ’ரங்கநாயகி’ என்ற டைட்டில் வைக்கப்பட்டிருந்த இந்த படத்தில் ஜக்கேஷ் என்பவர் ஹீரோவாக நடித்த நிலையில் அவருக்கு ஜோடியாக தான் ரக்சிதா மகாலட்சுமி நடித்துள்ளார்.

60 வயதான ஜாக்கென தற்போது பாராளுமன்ற எம்பி ஆக இருக்கிறார் என்பதும் இந்த படம் இன்று திரையரங்குகளில் ரிலீஸ் ஆகியுள்ளது என்பது குறிப்பிடத்தக்கது. கன்னடத்தில் அறிமுகமான முதல் படத்திலேயே 60 வயது அரசியல்வாதிக்கு ஜோடியாக நடித்துள்ள நிலையில் அவருக்கு மற்றொரு கன்னட படத்தில் நடிக்கவும் வாய்ப்பு கிடைத்துள்ளது என்றும் கூறப்படுகிறது.

ரக்சிதா தமிழில் ’மெய் நிகரே’ ’ஃபயர்’ உட்பட மூன்று படங்களில் அவர் நடித்து வருகிறார் என்பதும் குறிப்பிடத்தக்கது.