பிக் பாஸ் நிகழ்ச்சியில் போட்டியாளர்களில் ஒருவரான குயின்ஸி நடுரோட்டில் குத்தாட்டம் ஆடிய வீடியோ தற்போது இணையதளங்களில் வைரலாக வருகிறது.

பிக்பாஸ் சீசன் 6 நிகழ்ச்சி கடந்த சில நாட்களாக விஜய் டிவியில் ஒளிபரப்பாகி வரும் நிலையில் இந்த நிகழ்ச்சியில் கலந்து கொண்ட போட்டியாளர்கள் மக்களை கவர பல்வேறு உத்திகளை கடைபிடித்து வருகின்றனர்.

குறிப்பாக முதல்வார கேப்டன் ஆகியுள்ள ஜிபி முத்து பிரமாதமாக ஸ்கோர் செய்து வருகிறார். அவருக்கு ஈடு கொடுக்கும் வகையில் ஜனனி, தனலட்சுமி உள்ளிட்டோரும் செமையாக பேர்பார்மன்ஸ் செய்து வருகின்றனர்.

இந்த நிலையில் பிக்பாஸ் நிகழ்ச்சியில் போட்டியாளர்களில் ஒருவரான குயின்ஸி, கோவையைச் சேர்ந்தவர். மாடலிங் துறையில் தனது கேரியரை தொடங்கிய இவர் அதன் பிறகு ’அன்பே வா’ என்ற சின்னத்திரை தொடரிலும், ஒரு சில திரைப்படங்களிலும் நடித்துள்ளார்.

இந்த நிலையில் பிக்பாஸ் நிகழ்ச்சியில் போட்டியாளராகி தற்போது அவர் மக்கள் மத்தியில் பிரபலமாகி வரும் குயின்ஸி, கடந்த சில மாதங்களுக்கு முன்னர் தூத்துக்குடியில் நடந்த நிகழ்ச்சி ஒன்றில் கலந்து கொண்டபோது செம குத்தாட்டம் ஆடிய வீடியோவை ரசிகர்கள் வைரலாக்கி வருகின்றனர். இந்த வீடியோவில் அவர் நடுரோட்டில் ஆண்களுடன் சேர்ந்து குத்தாட்டம் ஆடியதும், அதை சுற்றி இருந்த ரசிகர்கள் ரசிக்கும் காட்சியும் உள்ளது.