பிக்பாஸ் ஐந்தாவது சீசன் வரும் ஞாயிறு அன்று நிறைவு பெற உள்ள நிலையில் பிக்பாஸ் ஓடிடி நிகழ்ச்சி ஜனவரி 23ஆம் தேதி முதல் தொடங்கும் என்றும் செய்திகள் வெளியான நிலையில் அந்த நிகழ்ச்சி தற்போது ஒரு சில நாட்கள் தள்ளிப் போகும் என்று கூறப்படுகிறது.

பிக்பாஸ் ஓடிடி நிகழ்ச்சி ஹாட்ஸ்டாரில் ஒளிபரப்பாக உள்ளதாகவும் இதில் ஏற்கனவே பிக்பாஸ் நிகழ்ச்சியின் 5 சீசன்களில் கலந்துகொண்ட சில போட்டியாளர்கள் கலந்து கொள்ள இருப்பதாகவும் குறிப்பாக வனிதா, அனிதா, ஜூலி. ஓவியா, சினேகன், உள்பட ஒருசில போட்டியாளர்கள் கலந்து கொள்ள இருப்பதாகவும் கூறப்பட்டது.

மொத்தம் 70 நாட்கள் வரை நடத்த திட்டமிடப்பட்டுள்ள பிக்பாஸ் ஓடிடி நிகழ்ச்சியை கமல்ஹாசனே தொகுத்து வழங்குவார் என்றும் இந்த நிகழ்ச்சி ஜனவரி 23ஆம் தேதி முதல் தொடங்க இருப்பதாகவும் கூறப்பட்டது.

இந்த நிலையில் தற்போது வந்துள்ள தகவலின்படி இந்த நிகழ்ச்சி ஜனவரி 28-ஆம் தேதிக்கு ஒத்தி வைக்கப்பட்டுள்ளதாகவும் இது குறித்த அறிவிப்பு விரைவில் வெளியாகும் என்றும் இந்த நிகழ்ச்சியில் கலந்துகொள்ளும் போட்டியாளர்கள் என்பது குறித்த தகவல் விரைவில் வெளியாகும் என்று எதிர்பார்க்கப்படுகிறது.