பிக்பாஸ் மகத் முதல்முறையாக ஹீரோவாக நடித்து வரும் படத்தின் படப்பிடிப்பு கடந்த சில நாட்களாக நடைபெற்று வரும் நிலையில் இந்த படத்தின் டைட்டிலுடன் கூடிய ஃபர்ஸ்ட்லுக் தற்போது வெளியாகியுள்ளது.

'கெட்டவன்னு பேர் எடுத்த நல்லவன்டா' என்ற டைட்டில் கொண்ட இந்த படத்தின் ஃபர்ஸ்ட்லுக்கை மகத் தனது சமூக வலைத்தளத்தில் பதிவு செய்து, தான் ஹீரோவாக முதல்முதலில் நடிக்கும் இந்த படத்தை ஆதரிக்கும்படி கேட்டுக்கொண்டுள்ளார். இந்த படத்தில் சிம்புவின் ரசிகராக மகத் நடித்துள்ளார் என்பது ஃபர்ஸ்ட்லுக் போஸ்டரில் இருந்து தெரிய வருகிறது.

பிக்பாஸ் நிகழ்ச்சியில் கலந்து கொண்ட மகத், ஐஸ்வர்யா தத்தா முதல்முறையாக ஜோடியாக நடிக்கும் இந்த படத்தை பிரபுராம் இயக்கி வருகிறார். தரண்குமார் இசையில் ஹாரீஸ் ஒளிப்பதிவில் பிரவீன் பாஸ்கர் படத்தொகுப்பில் உருவாகி வரும் இந்த படத்தை வர்ணாலயா சினி கிரியேஷன்ஸ் நிறுவனம் தயாரித்து வருகிறது.