உலகமே திரும்பி பார்க்கும் வகையில் சென்னை மெரீனாவில் நடைபெற்ற ஜல்லிக்கட்டு போராட்டத்தின் போது தமிழக மக்களிடம் புகழ் பெற்றவர் ஜூலி. இந்த புகழினால் அவருக்கு கமல்ஹாசன் தொகுத்து நடத்திய பிக்பாஸ் நிகழ்ச்சியில் பங்குபெறும் வாய்ப்பும் கிடைத்தது

ஆனால் பிக்பாஸ் நிகழ்ச்சியில் அவர் நடந்து கொண்ட விதத்தினால் ஜல்லிக்கட்டின்போது கிடைத்த புகழ் மறைந்து நெகட்டிவ் விமர்சனங்களால் தாக்கப்பட்டார். இந்த நிலையில் பிக்பாஸ் நிகழ்ச்சி முடிந்த பின்னர் ஒருசில தொலைக்காட்சி நிகழ்ச்சிகளில் பங்கேற்று வரும் ஜூலி, தற்போது ஒரு படத்தில் நாயகியாக நடிக்க ஒப்பந்தமாகியுள்ளார்.

 K7 புரொடக்ஷன்ஸ் நிறுவனம் தயாரிக்கும் ஒரு படத்தில் ஜூலி நாயகியாக நடிக்கவுள்ளதாகவும், இந்த படத்தில் அவர் பப்ளிக் ஸ்டார் துரை சுதாகர் என்பவருக்கு ஜோடியாக நடிக்கவுள்ளதாகவும் கூறப்படுகிறது. மேலும் இந்த படத்தின் டைட்டில் 'உத்தமி' என்றும் இந்த டைட்டிலை அதிகாரபூர்வமாக வரும் பொங்கல் தினத்தில் அறிவிக்க படக்குழுவினர் திட்டமிட்டிருப்பதாகவும் செய்திகள் வெளிவந்துள்ளது. ஜூலியின் முதல் பட டைட்டிலை கேட்டு ஷாக் அடைந்திருப்பதாக நெட்டிசன்கள் சமூக வலைத்தளங்களில் பதிவு செய்து வருகின்றனர்.