விஜய் தந்தை குறித்து பிக்பாஸ் நடிகை கூறியது என்ன? வைரல் புகைப்படங்கள்
- IndiaGlitz, [Monday,January 04 2021]
தளபதி விஜய்யின் தந்தையும் இயக்குனருமான எஸ்ஏ சந்திரசேகர் ’நான் கடவுள் இல்லை’ என்ற திரைப்படத்தில் நடித்து வருகிறார் என்பதும் இந்த படத்தின் முக்கிய கேரக்டரில் சமுத்திரக்கனி மற்றும் பிக்பாஸ் புகழ் சாக்சி அகர்வால் நடித்து வருகின்றனர் என்பதும் தெரிந்ததே
கடந்த நவம்பர் மாதம் தொடங்கிய இந்த படத்தின் படப்பிடிப்பு சமீபத்தில் முடிவடைந்த நிலையில் தற்போது அடுத்த கட்டமாக டப்பிங் பணிகள் தொடங்கி உள்ளன. இன்று முதல் இந்த படத்தின் டப்பிங் பணிகள் தொடங்கிய நிலையில் இன்றைய முதல் நாளில் எஸ்ஏ சந்திரசேகர் மற்றும் சாக்சி அகர்வால் ஆகிய இருவரும் டப்பிங் பணிகளை செய்துள்ளனர்
’ஒரு மிகச்சிறந்த நபருடன் பணிபுரிவதில் மிகப்பெரிய மகிழ்ச்சி அடைகிறேன்’ என்று விஜய் தந்தை எஸ்ஏ சந்திரசேகர் குறித்தும் சாக்சி அகர்வால் தனது இன்ஸ்டாகிராம் பதிவு செய்துள்ளார். மேலும் டப்பிங் பணியின் போது எஸ்.ஏ.சந்திரசேகரருடன் எடுக்கப்பட்ட புகைப்படங்களையும் அவர் பதிவு செய்துள்ளார் என்பதும், இந்த புகைப்படங்கள் தற்போது வைரல் ஆகி வருகின்றன என்பதும் குறிப்பிடத்தக்கது