நடிப்புல உங்கள தாண்டனும் சார்.. ஆசையை சொன்ன போட்டியாளருக்கு கமல் கூறிய பதில்..!
- IndiaGlitz, [Sunday,December 24 2023]
நடிப்புல உங்கள தாண்டனும் சார் என்று போட்டியாளர் கூறியதற்கு கமல் கூறிய பதில் இன்றைய இரண்டாவது புரமோ வீடியோவில் வெளியாகியுள்ளது
கமல்ஹாசன் தொகுத்து வழங்கும் பிக் பாஸ் நிகழ்ச்சியின் 7வது சீசன் இறுதி கட்டத்தை நெருங்கி உள்ள நிலையில் போட்டியாளர்கள் தங்களை பினாலேவுக்கு தயாராக்கி வருகின்றனர்.
இந்த நிலையில் இன்றைய இரண்டாவது புரோமோவில் ’உங்களுடைய இலக்கு என்ன? என்று கமல் கேட்டார். அதற்கு ரவீனா ’வித்தியாச வித்தியாசமாக வேடங்களை போட்டுக் கொள்ள வேண்டும் என்று என்னுடைய ஆசை’ என்று கூறினார். அதற்கு கமல்ஹாசன் ’அதற்கு நீங்கள் உங்களை தயார்படுத்திக் கொள்ளுங்கள், போட்டோஷூட் மட்டும் உங்களை மேம்படுத்தாது’ என்று கூறி போட்டோஷூட்டுக்கு போஸ் கொடுப்பது போல் செய்தார்.
இதனை அடுத்து விசித்ரா ’மனதுக்கு திருப்தியான கேரக்டர் நான் இதுவரை பண்ணினது இல்லை’ என்று கூறினார். அப்போது கமல் ’ஒரு 20 வருஷத்துக்கு முன்னாடி நீங்கள் இந்த மாதிரி ஒரு ஷோவில் வந்திருக்க முடியாது, இனி நீங்கள் தான் உங்கள் வாய்ப்பை தேடிக்கொள்ள வேண்டும்’ என்று கூறினார்.
இதனை அடுத்து விக்ரம் சரவணன் ’சொன்னா ஒரு மாதிரி இருக்கும் சார், நடிப்பில் உங்கள தாண்டனும்ன்னு எனக்கு ஒரு ஆசை’ என்று கூறினார். அதற்கு கமல்ஹாசன் ’நீங்கள் சொல்லவில்லை என்றால் வேறு யார் சொல்வார்கள்? என்று கூறியதுடன் இன்றைய புரோமோ முடிவுக்கு வருகிறது.
மொத்தத்தில் இந்த வாரம் எந்த விதமான சர்ச்சைகளும் சண்டைகளும் இன்றி சுமூகமான வாரமாகவே முடிகிறது என்பது இன்றைய புரோமோக்களை பார்க்கும் போது தெரிய வருகிறது.