விஜய் டிவியில் ஒளிபரப்பான பிக்பாஸ் சீசன் 4 நிகழ்ச்சியில் கலந்துகொண்ட போட்டியாளர்களில் ஒருவர் பாலாஜி என்பது தெரிந்ததே. இவர் அந்த நிகழ்ச்சியில் இரண்டாவது இடத்தைப் பிடித்தார் என்பதும் அதன் பின்னர் பிக்பாஸ் அல்டிமேட் நிகழ்ச்சியில் டைட்டில் பட்டம் வென்றார் என்பது தெரிந்ததே.

இந்த நிலையில் பிக்பாஸ் பாலாஜி ஹீரோவாக திரைப்படம் ஒன்றில் நடித்து வருவதாகவும் இந்த படத்தை லிப்ரா புரொடக்சன்ஸ் நிறுவனத்தின் ரவீந்தர் தயாரித்து வருவதாகவும் செய்திகள் வெளியானது. இந்த நிலையில் தற்போது இந்த படத்தின் டைட்டில் அறிவிக்கப்பட்டுள்ளது.

இந்த படத்தின் டைட்டில் ’மார்க்கண்டேயனும் மகளிர் கல்லூரியும்’ என வைக்கப்பட்டுள்ளது. இந்த படத்திற்கு ப்ரியா மாலி என்ற பெண் இசையமைப்பாளர் இசையமைக்க உள்ளார் என்பது குறிப்பிடத்தக்கது. இந்த படத்தின் படப்பிடிப்பு விறுவிறுப்பாக நடைபெற்று வருவதாகவும் விரைவில் இந்த படத்தில் நடிக்கும் நாயகி உள்பட மற்ற நட்சத்திரங்கள் மற்றும் தொழில்நுட்ப கலைஞர்கள் குறித்த தகவல்கள் வெளியாகும் என்றும் எதிர்பார்க்கப்படுகிறது.

பிக்பாஸ் பாலாஜி முதல் முறையாக ஹீரோ வேடத்தில் நடிக்கும் இந்த படம் வெற்றி பெறுமா என்பதை பொறுத்திருந்து பார்ப்போம்.

My first movie as lead has been titled as #MarkandeyanumMagalirKalluriyum @LIBRAProduc @fatmanravi thanks for casting me in your sorry our dream project.

Hoping to be a good entertainer. ??????#BalajiMurugadoss

— Balaji Murugadoss (@OfficialBalaji) October 2, 2022